Царква Сьвятой Ганны (Межырэч)

Царква Сьвятой Ганны — помнік гісторыі пачатку XX стагодзьдзя (мураўёўка) у Межырэчы. Знаходзіцца ў паўднёвай частцы колішняга мястэчка^[a]. Дзее. Твор архітэктуры расейскай эклектыкі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятой Ганны (неадназначнасьць).

Помнік гісторыі
Царква Сьвятой Ганны
Царква Сьвятой Ганны
Краіна	Беларусь
Вёска	Межырэч
Каардынаты	53°03′51.54″ пн. ш. 24°46′13.9″ у. д.
Канфэсія	Беларуская праваслаўная царква
Эпархія	Гарадзенская і Ваўкавыская япархія[d]
Царква Сьвятой Ганны на мапе Беларусі Царква Сьвятой Ганны
Царква Сьвятой Ганны на Вікісховішчы

Гісторыя

Мураваную царкву Ўрадавага сыноду Расейскай імпэрыі (Маскоўскай царквы) у Межырэчы збудавалі ў 1904 годзе з матэрыялу, які вырабляўся на адмыслова створаным у 1903 годзе цагельным заводзе.

Па Другой сусьветнай вайне савецкія ўлады зачынілі царкву. У 1988 годзе будынак царквы перадалі Беларускаму экзархату Маскоўскага патрыярхату.

Архітэктура

Прыклад эклектычнай царкоўнай архітэктуры Расейскай імпэрыі. Аб’ёмна-прасторавая кампазыцыя дынамічна ўзрастае да высокай шатровай званіцы (Васьмярык на чацьверыку) і будуецца вакол узвышанага цэнтральнага кубападобнага аб’ёму малітоўнай залі, перакрытай пакатым 4-схільным дахам з купалам-цыбулінай на 8-гранным барабане. Да цэнтру кампазыцыі падоўжнай восьсю далучаюцца 3-гранная апсыда, бакавыя прыдзелы і праз кароткую трапезную прытвор-званіца. Роўнічныя фасады над высокім цокалем падзяляюцца аркавымі аконнымі праёмамі з шырокімі архівольтамі, дэкаруюцца кутнімі ўразнымі калёнкамі, аркатурнымі і зубчастымі фрызамі, рэльефнымі крыжамі. Характэрны матыў царкоўнай архітэктуры Маскоўскай дзяржавы — пас какошнікаў у аснове шатра званіцы, купал-цыбуліна над ім, а таксама слупавы аркавы партал з 2-гранным шчытом галоўнага ўвахода.

На царкоўны пляц вядзе збудаваная з бутавага каменю аркавая брама-званіца з фрэскавымі выявамі эвангелістаў у нішы 2-га яруса, у яе завяршэньні — таксама купал-цыбуліна^[1].

Галерэя

• Сучасны стан
• 
  Агульны выгляд
• 
  З боку апсыды
• 
  Брама

Заўвагі

1. Афіцыйны адрас — завулак Майскі, 1