Царква Сьвятой Тройцы (Даўгінаў)

Царква Сьвятой Тройцы — помнік гісторыі другой паловы XIX стагодзьдзя (мураўёўка) у Даўгінаве. Знаходзіцца ў паўднёвай частцы колішняга мястэчка пад адрасам вуліца Менская, 27. Дзее. Твор архітэктуры расейскай эклектыкі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятой Тройцы.

Помнік гісторыі
Царква Сьвятой Тройцы
Царква Сьвятой Тройцы
Краіна	Беларусь
Вёска	Даўгінаў
Каардынаты	54°38′30.29″ пн. ш. 27°28′28.10″ у. д.
Канфэсія	Беларуская праваслаўная царква
Эпархія	Маладэчанская япархія[d]
Архітэктурны стыль	псэўдарускі стыль[d]
Царква Сьвятой Тройцы на мапе Беларусі Царква Сьвятой Тройцы
Царква Сьвятой Тройцы на Вікісховішчы

Гісторыя

Мураваную царкву Ўрадавага сыноду Расейскай імпэрыі (Маскоўскай царквы) у Даўгінаве збудавалі ў 1870 годзе.

За савецкім часам царква не зачынялася.

Архітэктура

Прыклад эклектычнай царкоўнай архітэктуры Расейскай імпэрыі. Складаецца з прытвора-званіцы, трапезнай, 8-граннай малітоўнай залі, ад якой адыходзяць паўкруглыя бакавыя прытворы і апсыда. Над сяродкрыжжам цэнтральны аб’ём завяршаецца магутным 8-гранным сьветлавым барабанам, накрытым сфэрычным купалам, у завяршэнані якога купал-цыбуліна на гранёнай шыі. Грані барабана за кілепадобнымі аркамі праразаюцца здвоенымі вузкімі аркавымі аконнымі праёмамі і круглымі люкарнамі. Над прытворам узвышаецца 2-ярусная (васьмярык на чацьверыку) шатровая званіца з купалам-цыбулінай. Фасады падзяляюцца адзінарнымі і здвоенымі аркавымі аконнымі праёмамі, дэкаруюцца броўкамі, апярэзваюцца зубчастымі пасамі, фрызам гарадкоў. Тры ўваходы (галоўны і ў прытворах) маюць 2-слуповыя ганкі з 2-схільнымі навесамі.

Унутраная прастора перакрываецца цыліндрычным скляпеньням, сфэрычным купалам на ветразях у сяродкрыжжы, конхамі ў апсыдзе і прыдзелах, расчыненых у залю шырокімі аркавымі прасьветамі. Апсыда аддзяляецца драўляным пазалочаным іканастасам^[1].

Галерэя

Гістарычныя здымкі і графіка

• Старыя здымкі і графіка
• 
  1896 г.
• 
  каля 1900 г.
• 
  да 1918 г.

• 
  1941 г.
• 
  1941—1944 гг.
• 
  1941—1944 гг.

Сучасныя здымкі

• Сучасны стан
• 
  Агульны выгляд
• 
  Бакавы фасад
• 
  Фрагмэнт