Царква Сьвятой Тройцы (Дуброўна)

Царква́ Сьвято́й Тро́йцы — помнік архітэктуры пачатку XIX стагодзьдзя ў Дуброўне. Знаходзіцца ва ўсходняй частцы места^[a]. Дзее. Твор архітэктуры клясыцызму. Аб’ект Дзяржаўнага сьпісу гістарычна-культурных каштоўнасьцяў Беларусі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятой Тройцы.

Помнік сакральнай архітэктуры
Царква Сьвятой Тройцы
Царква Сьвятой Тройцы
Краіна	Беларусь
Места	Дуброўна
Каардынаты	54°34′53″ пн. ш. 30°42′29″ у. д.
Канфэсія	Беларуская праваслаўная царква
Эпархія	Віцебская і Аршанская япархія[d]
Архітэктурны стыль	клясыцыстычная архітэктура[d]
Дата заснаваньня	1809
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Сьвятой Тройцы на мапе Беларусі ± Царква Сьвятой Тройцы Царква Сьвятой Тройцы
Царква Сьвятой Тройцы на Вікісховішчы

Гісторыя

Царква, 1941—1944 гг.

Мураваную царкву ў Дуброўне збудавалі ў 1809 годзе.

Архітэктура

У царкве выявіўся сынтэз традыцыйных прыёмаў мясцовага дойлідзтва і рысаў клясыцызму. Гэта 1-купальны храм падоўжна-восевай кампазыцыі. Улучае галоўны аб’ём, апсыду і бабінец. На галоўным (паўднёва-заходнім) фасадзе бабінца знаходзіцца званіца. Галоўны ўваход і бакавыя сьцены асноўнага аб’ёму вылучаюцца франтонамі. Аконныя праёмы завяршаюцца сандрыкамі.

Усярэдзіне вылучаецца ўвянчаны купалам цэнтральны 2-ярусны аб’ём, беспасярэдне зь якім злучаюцца бабінец і алтар^[1]. У інтэр’еры захоўваюцца абразы першай паловы XIX ст. «Сьвятая радзіна» і «Таемная вячэра»^[2].

Галерэя

• Сучасныя здымкі
• 
  Агульны выгляд
• 
  Галоўны фасад
• 
  З боку апсыды
• 
  Інтэр’ер

Заўвагі

1. Цяперашні афіцыйны адрас — вуліца Чырвонаслабодзкая, 3