Царква Сьвятой Тройцы (Падароск)

Царква́ Сьвято́й Тро́йцы — помнік архітэктуры XVIII стагодзьдзя ў Падароску. Знаходзіцца ў цэнтры колішняга мястэчка^[a]. Пры пабудове была ў юрысдыкцыі Сьвятога Пасаду, цяпер — у валоданьні Маскоўскага патрыярхату. Твор архітэктуры барока.

Помнік сакральнай архітэктуры
Царква Сьвятой Тройцы
Царква Сьвятой Тройцы
Краіна	Беларусь
Вёска	Падароск
Каардынаты	52°58′52.28″ пн. ш. 24°37′01.70″ у. д.
Канфэсія	праваслаўе і Беларуская праваслаўная царква
Эпархія	Гарадзенская і Ваўкавыская япархія[d]
Дата заснаваньня	XVIII стагодзьдзе
Царква Сьвятой Тройцы на мапе Беларусі Царква Сьвятой Тройцы
Царква Сьвятой Тройцы на Вікісховішчы

Гісторыя

Царква, каля 1900 г.

Царква, 1905 г.

Вялікае Княства Літоўскае

Першая драўляная царква ў Падароску ўпамінаецца ў 1630 годзе.

У XVIII ст. у мястэчку збудавалі мураваную царкву.

Пад уладай Расейскай імпэрыі

Па трэцім падзеле Рэчы Паспалітай (1795 год), калі Падароск апынуўся ў складзе Расейскай імпэрыі, царква працягвала дзеяць як уніяцкая. Аднак па гвалтоўнай ліквідацыі Грэцка-Каталіцкай (Уніяцкай) царквы ў 1839 годзе расейскія ўлады адабралі будынак царквы ў Сьвятога Пасаду і перадалі ў валоданьне Ўрадавага сыноду Расейскай імпэрыі (Маскоўскай царквы).

Найноўшы час

Па Другой сусьветнай вайне савецкія ўлады зачынілі царкву. У 1988 годзе будынак царквы перадалі Беларускаму экзархату Маскоўскага патрыярхату.

Архітэктура

Помнік архітэктуры барока. Гэта прастакутны ў пляне накрыты 2-схільным дахам аб’ём, да якога з фасада далучаецца 2-ярусная званіца, з тыльнага боку — паўкруглая апсыда з бакавымі рызьніцамі. Над шатром званіцы і алтарнай часткай узвышаюцца купалы. Фасады рытмічна падзяляюцца аркавымі аконнымі праёмамі, аздабляюцца лапаткамі^[1].

Заўвагі

1. Цяперашні афіцыйны адрас — вуліца Першамайская, 7А