Царква Сьвятых Апосталаў Пятра і Паўла (Моўчадзь)

Царква Сьвятых Апосталаў Пятра і Паўла — помнік гісторыі другой паловы XIX стагодзьдзя (мураўёўка) у Моўчадзі. Знаходзіцца на пагорку ў цэнтры колішняга мястэчка, на гістарычнай Калесьніцкай вуліцы^[a]. Дзее. Твор архітэктуры расейскай эклектыкі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятых Апосталаў Пятра і Паўла (неадназначнасьць).

Помнік гісторыі
Царква Сьвятых Апосталаў Пятра і Паўла
Царква Сьвятых Апосталаў Пятра і Паўла
Краіна	Беларусь
Вёска	Моўчадзь
Каардынаты	53°18′45.05″ пн. ш. 25°42′00.09″ у. д.
Канфэсія	Беларуская праваслаўная царква
Эпархія	Пінская япархія
Архітэктурны стыль	псэўдарускі стыль[d]
Аўтар праекту	Мікалай Ільіч Ціхвінскі[d]
Царква Сьвятых Апосталаў Пятра і Паўла на мапе Беларусі Царква Сьвятых Апосталаў Пятра і Паўла
Царква Сьвятых Апосталаў Пятра і Паўла на Вікісховішчы

Гісторыя

Праект царквы, 1869 г.

Мураваную царкву Ўрадавага сыноду Расейскай імпэрыі (Маскоўскай царквы) у Моўчадзі збудавалі ў 1869—1873 гадох на месцы гвалтоўна зачыненага і зьнішчанага расейскімі ўладамі касьцёла.

Архітэктура

Прыклад эклектычнай царкоўнай архітэктуры Расейскай імпэрыі. Мае 4-часткавую структуру: званіца, трапезная, асноўны аб’ём, апсыда. У падоўжна-восевай сымэтрычнай аб’ёмна-прасторавай кампазыцыі дамінуе 3-ярусная (2 васьмерыкі на чацьверыку) званіца з шатровым верхам і купалам-цыбулінай. Асноўны кубападобны аб’ём пад 4-схільным дахам завяршаецца пяцьцю купаламі-цыбулінамі на 8-гранных барабанах; яго карніз мае выгляд падугі з 2 цягамі-выкружкамі. Прастакутны ў пляне прытвор і бакавыя прыдзелы афармляюцца на франтальных фасадах кілепадобнымі франтонамі на кароткіх пілястрах, маюць глыбокія ўваходныя аркавыя парталы з кілепадобнымі франтонамі. Такой жа формы ліштвамі афармляюцца і аркавыя аконныя праёмы — высокія адзінарныя ў асноўным аб’ёме і паўкруглай апсыдзе і строеныя ў трапезнай.

Унутраная прастора перакрываецца роўнай стольлю. Апсыду вылучае 3-ярусны пабелены і вызалачаны іканастас на 13 абразоў. У царкве захоўваецца абраз «Аляксандар Неўскі» (1866)^[1].

Галерэя

• Гістарычныя здымкі
• 
  1915 г.
• 
  1915—1918 гг.
• 
  1915—1918 гг.
• 
  1915—1918 гг.

• 
  1917 г.
• 
  1915 г.
• 
  1941—1944 гг.
• 
  1941—1944 гг.

Заўвагі

1. Афіцыйны адрас — вуліца Кірава, 70