Царква (Альбэртын)

Альбэртынская царква — помнік архітэктуры 1930-х гадоў у Слоніме. Знаходзіцца ў прадмесьці Альбэртыне^[a]. Пры пабудове была ў юрысдыкцыі Сьвятога Пасаду, цяпер — у валоданьні Маскоўскага патрыярхату. Твор архітэктуры мадэрну, мастацкае аблічча якога пацярпела ў выніку надбудовы купала-цыбуліна.

Помнік сакральнай архітэктуры
Альбэртынская царква
Альбэртынская царква, аўтэнтычны выгляд
Краіна	Беларусь
Места	Слонім
Каардынаты	53°04′38.6″ пн. ш. 25°23′34.5″ у. д.
Канфэсія	праваслаўе і Беларуская праваслаўная царква
Эпархія	Наваградзкая япархія[d]
Дата заснаваньня	1936 ст.
Альбэртынская царква на мапе Беларусі ± Альбэртынская царква Альбэртынская царква
Альбэртынская царква на Вікісховішчы

У наш час у будынку дзее царква ў імя вялебнага мучаніка Апанаса Берасьцейскага Беларускага экзархату Маскоўскага патрыярхату.

Гісторыя

Царква па надбудове бляшанага купала-цыбуліны

Мураваную царкву ў Альбэртыне збудавалі ў 1936 годзе з цэглы пры езуіцкай місіі ўсходняга абраду. За савецкім часам царкву зачынілі. У 1990-я гады будынак перадалі Беларускаму экзархату Маскоўскага патрыярхату. Тады ж у выніку рэканструкцыі над царквой паставілі вялізны маскоўскі бляшаны (пазьней — пазалочаны) купал-цыбуліну.

Архітэктура

Помнік архітэктуры мадэрну. Гэта прастакутны ў пляне аб’ём пад 2-схільным дахам. Дабудаваны да фасаду прытвор завяршаецца цыліндрычным барабанам з купалам. Роўнічныя фасады праразаюцца вэртыкальна выцягнутымі прастакутнымі аконнымі праёмамі, роўнымі і руставанымі лапаткамі^[1].

Галерэя

• Гістарычныя здымкі
• 
  1936 г.
• 
  1936 г.
• 
  1941 г.
• 
  1941 г.

Заўвагі

1. Цяперашні афіцыйны адрас — вуліца Войкава