Чорны Горад

Чорны Горад — паўднёвы замак Вялікага Княства Літоўскага, на Днястроўскім лімане^[1], цяпер прадмесьце ўкраінскага места Белгараду-Днястроўскага (знаходзіцца на супрацьлеглым ад цэнтральнай часткі места беразе)^[2].

ВКЛ за часамі кіраваньня Вітаўта Вялікага

Заснаваны вялікім князем Вітаўтам у пачатку XV ст. Францускі дыплямат Гільбэр дэ Лянноа пакінуў у сваіх нататках запіс пра будаваньне Чорнага Гораду ў 1421 року намаганьнямі падольскага намесьніка Гедыгольда, які збудаваў новую фартэцыю менш чым за месяц. На будаўнічыя працы ён сабраў 12 тыс. сялянаў з падуладнага Падольля, а таксама даставіў 4 тыс. вазоў з каменьнем і лесам^[3].

Па сьмерці Вітаўта Чорны Горад (Czamygrad) упамінаецца ў сьпісе замкаў 1430 року^[4]. Вядома, што ў 1442 року замак перашоў у валоданьне падольскага магната Фёдара Бучацкага, а ў 1564 року шляхціч Язлавецкі прадстаўляў закладныя акты на яго^[2].