Чырвоная панда

Чырвоная панда (Ailurus fulgens) — від клясы сысуноў атрада драпежных. Насяляе горныя лясы на ўсходзе Гімалаяў і паўднёвым захадзе Кітая. Галоўным чынам харчуецца бамбукам, хаця спажывае таксама карані, садавіну, яйкі і дробных яшчарак.

Чырвоная панда
Клясыфікацыя
Царства	Жывёлы (Animalia)
Тып	Хордавыя (Chordata)
Падтып	Хрыбетныя (Vertebrata)
Надкляса	Чатырохногія (Tetrapoda)
Кляса	Сысуны (Mammalia)
Падкляса	Зьвяры (Theria)
Інфракляса	Пляцэнтарныя (Placentalia)
Атрад	Драпежныя (Carnivora)
Падатрад	Сабакападобныя (Caniformia)
Сямейства	Ailuridae
Род	Ailurus
Від	Чырвоная панда
Бінамінальная намэнклятура
Ailurus fulgens F. G. Cuvier, 1825
Арэал
Чырвоная панда на Віківідах  Чырвоная панда ў Вікісховішчы ITIS 621846 · NCBI 9649

Чырвоная панда

Зьнешні выгляд

Даўжыня галавы і цела 50–64 см, даўжыня хваста 28–50 см; вага 3–6 кг. Шэрсьць глыбокага чырвона-карычневага колеру на сьпіне і чорнага на нагах; ёсьць шчыльны падшэрстак, які забясьпечвае цяпло. Твар круглявы і пераважна белы з чырванавата-карычневымі "слязнымі сьлядамі". Хвост доўгі, пухнаты, паласаты. Падэшвы лап пакрыты густымі белымі валасамі для забесьпячэньня цяпла^[1].