Чэрас

Чэрас — возера ў Мёрскім раёне Віцебскай вобласьці. Знаходзіцца за 6 км на паўночны ўсход ад Мёраў, каля вёскі Сушкі. Належыць да групы Абстэрнаўскіх азёраў.

Возера Чэрас Краіна Беларусь Плошча 0,99 км² Плошча вадазбору 7 км² Максымальная глыбіня 12,8 м Найбольшая даўжыня 3,29 км Найбольшая шырыня 0,53 км Даўжыня берагавой лініі 7,74 км Вышыня над узроўнем мора 130 м[1] Аб’ём вады 6 млн м³ Каардынаты 55°38′44.62″ пн. ш. 27°43′50.81″ у. д. Чэрас на мапе Беларусі Чэрас

Возера знаходзіцца ў басэйне ракі Мёрыца. Плошча Чэрасу складае 0,99 км². Найбольшая глыбіня возера — 12,8 м. Даўжыня возера — 3,29 км, найбольшая шырыня — 0,53 км. Даўжыня берагавой лініі — 7,74 км. Аб’ём вады ў возеры складае 6 млн м³, плошча вадазбору возера — 7 км².

Схілы катлавіны возера маюць вышыню 2—4 м, разараныя, у пэўных месцах пакрытыя хмызьняком.

Берагі возера пяшчаныя, месцамі знаходзяцца пад валунамі.

Вадаём зарастае прыбярэжнай расьліннасьцю да глыбіні 1,5 м.

Возера злучанае пратокай з Грэцкім возерам. Па берагах Чэрас мае некалькі крыніц.