Шарль Мэсье

Шарль Мэсье (па-француску: Charles Messier, 26 чэрвеня 1730, Баданвілер, Францыя — 12 красавіка 1817, Парыж, Францыя) — францускі астраном, чалец Парыскай акадэміі навук з 1770 году. Мэсье сыстэматычна вёў пошукі новых камэтаў. У 1763—1802 гады ён адкрыў 13 камэтаў, у тым ліку кароткапэрыядычную камэту D/1770 L1, старое абазначэньне якой ёсьць 1770 I, названую пазьней імем расейскага навукоўца Андрэя Лекселя^[7]. Ён таксама склаў каталёг туманнасьцяў і зорных скупнасьцяў, які атрымаў назву ад імя астранома. Першае выданьне каталёгу выйшла ў 1774 годзе і ўтрымлівала 45 аб’ектаў. Другое выданьне каталёгу, якое пабачыла сьвет у 1781 годзе, утрымлівала 103 аб’екты. Сучасная ягоная вэрсія зьмяшчае 110 аб’ектаў, зь якіх больш за 60 былі адкрыты самім Мэсье.

Шарль Мэсье
па-француску: Charles Messier
Дата нараджэньня	26 чэрвеня 1730(1730-06-26)[1][2][3][…]
Месца нараджэньня	Баданвілер[d][4]
Дата сьмерці	12 красавіка 1817(1817-04-12)[2][3][5][…] (86 гадоў)
Месца сьмерці	Парыж[4]
Месца пахаваньня	Пэр-Ляшэз
Занятак	астраном
Навуковая сфэра	астраномія
Сябра ў	Лёнданскае каралеўскае таварыства, Швэдзкая каралеўская акадэмія навук, Француская акадэмія навук, Расейская акадэмія навук, Пруская акадэмія навук[d] і Акадэмія Станіслава[d][6]
Узнагароды
Подпіс
Шарль Мэсье ў Вікісховішчы

У гонар Мэсье названы кратэр на Месяцы ў Моры Багацьця й астэроід 7359 Мэсье.