Швэдзкая брама (Рыга)

Швэдзкая брама (па-латыску: Zviedru vārti, па-швэдзку: Svenskporten) — помнік культуры, архітэктурны комплекс, разьмешчаны ў некалькіх дамах на вуліцы Торня ў Старым горадзе Рыгі, Латвія.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Швэдзкая брама.

брама
Швэдзкая брама лат. Zviedru vārti
Краіна	Латвія
Месцазнаходжаньне	Рыга
Каардынаты	56°57′05″ пн. ш. 24°06′23″ у. д.
Дата заснаваньня	1698
Швэдзкая брама на мапе Латвіі Швэдзкая брама
Швэдзкая брама на Вікісховішчы

Гісторыя

У канцы XVII стагодзьдзя ўздоўж гарадзкога муру будуюцца жылыя дамы́. Да іх неабходна было пракласьці праезд, які б можна было зачыняць. З гэтай мэтай у 1698 годзе, падчас швэдзкага панаваньня, у муры жылога дому была прабіта новая гарадзкая брама. Побач некалі знаходзілася абарончая вежа Юргена — цяпер яе рэшткі ўбудаваныя ў суседні з брамай дом № 11.

У 1926 годзе брама была арэндаваная ў гораду Грамадой архітэктараў Латвіі, і будынак быў перабудаваны. Увесь комплекс атрымаў сёньняшні выгляд пасьля рэканструкцыяў 1953—1956 і 1986—1987 гадоў.

Швэдзкая брама ў літаратуры

Герой сэрыі дэтэктыўных раманаў швэдзкага пісьменьніка Гэнінга Манкеля Курт Валяндэр наведаў Швэдзкую браму ў рамане Рыскія сабакі.

Глядзіце таксама

• Швэдзкая брама (Прыекулэ)