Чортаў камень Шкленікоўскі

«Чортаў камень Шкленікоўскі» — буйны ледавіковы валун каля вёскі Шкленікова Мядзельскага раёну Менскай вобласьці, геалягічны помнік прыроды рэспубліканскага значэньня^[1]. Разьмешчаны на полі, у 12 км на паўднёвы ўсход ад гораду Мядзел, за 3 км на паўночны захад ад вёскі Сваткі, у 1 км на поўдзень ад вёскі Шкленікова.

Чортаў камень Шкленікоўскі

катэгорыя III (помнік прыроды) паводле МСАП
Чортаў камень Шкленікоўскі
Найбліжэйшае мястэчка	Шкленікова
Каардынаты	54°47′20″ пн. ш. 27°3′24″ у. д.
Плошча	14 м²
Чортаў камень Шкленікоўскі ў Вікісховішчы

Даўжыня 4,6 м, вышыня 0,8 м; плошча ахоўваемай тэрыторыі — 14 м².

Паданьне

Адносіцца да Чортавых камянёў-краўцоў і згодна паданьню:

«быццам тут жыў чорт, які па начах бясплатна шыў адзеньне. Аднойчы нейкая жанчына папрасіла яго: "Чарток, пашый мне за ўсіх ладней!" Чорт прышыў два рукавы як звычайна, а на сьпіне яшчэ і трэці. Кабета як убачыла тую працу, раззлавалася і крыкнула: "Каб ты праваліўся, чым так рабіць!" Ад гэтых слоў чорта панесла з каменя на возера, пасьля чаго яго ніхто больш не бачыў[2]."