Шчыліназуб

Шчыліназуб (Solenodon) — адзіны род зь сямейства шчыліназубавых клясы сысуноў, уключае 2 сучасныя віды, якія жывуць на астравах Гаіці і Куба. Выкапныя зямлярыйкавыя вядомыя ад плейстацэну на востраве Гаіці^[1][2][3].

Шчыліназуб
Solenodon paradoxus — тыповы від
Клясыфікацыя
Царства	Жывёлы (Animalia)
Тып	Хордавыя (Chordata)
Падтып	Хрыбетныя (Vertebrata)
Надкляса	Чатырохногія (Tetrapoda)
Кляса	Сысуны (Mammalia)
Падкляса	Зьвяры (Theria)
Інфракляса	Пляцэнтарныя (Placentalia)
Атрад	Мошкаедныя (Eulipothyphla)
Сямейства	Шчыліназубавыя (Solenodontidae) Gill, 1872
Род	Шчыліназуб
Бінамінальная намэнклятура
Solenodon Brandt, 1833
Шчыліназуб на Віківідах  Шчыліназуб у Вікісховішчы ITIS 633426 ·

Даўжыня ад носа да хваста складае 280–390 мм, даўжыня хваста 175–255 мм, маса ≈ 1 кг. Хвост і ступні амаль голыя. У S. paradoxus валасяны полаг ад чарнавата-бурага да глыбокага чырванавата-карычневага, звычайна з невялікай квадратнай плямай белага колеру ў сярэдзіне патыліцы. У S. cubanus валасяны полаг чарнавата-карычневы з белым альбо жаўтлява-карычневы. Лыч падоўжаны, ноздры адкрыты ў бакі, вочы маленькія, вушы часткова голыя. На лапах 5 пальцаў; пярэднія — даўжэйшыя і больш выгнутыя, чым заднія. Зубная формула: 3/3, 1/1, 3/3, 3/3 = 40 зубоў^[1][2][3].

Насяляюць лясы і хмызьнякі, часта вакол плянтацый. Асноўнай здабычай шчыліназубаў ёсць жывёлы (у тым ліку вусякі), але яны часам ядуць і расьлінны матэрыял. Яны актыўныя ў начны час. Шчыліназубы адносна сацыяльныя^[1][2][3].

Сыстэматыка

Шчыліназубавыя (Solenodontidae)

• род шчыліназуб (Solenodon)
  • від Solenodon cubanus
  • від Solenodon paradoxus
  • від † Solenodon arredondoi
  • від † Solenodon marcanoi