Шылавіцкі сельсавет (Ваўкавыскі раён)

Шы́лавіцкі сельсавет — адміністрацыйна-тэрытарыяльная адзінка ў складзе Ваўкавыскага раёну Гарадзенскай вобласьці. Адміністрацыйны цэнтар — вёска Шылавічы.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Шылавіцкі сельсавет.

Гісторыя

12 кастрычніка 1940 году створаны ў складзе Ваўкавыскага раёну Беластоцкай вобласьці (з 20 верасьня 1944 году — Гарадзенскай) вобласьці БССР^[1]. 16 ліпеня 1954 году да сельсавету далучаная тэрыторыя скасаванага Талькаўскага сельсавету^[2]. У 1966 годзе ў склад сельсавету з Мсьцібаўскага сельсавету перададзеныя вёскі Агароднікі, Алекшыцы, Лесьнікі, Шусьцікі^[3].

26 верасьня 2006 году ў складу Гнезнаўскага сельсавету перададзеныя 7 населеных пунктаў — Агароднікі, Алекшыцы, Дзякі, Кукалкі, Лесьнікі, Талькаўцы, Шусьцікі^[4].

Насельніцтва

Насельніцтва сельсавету паводле перапісу 2009 году — 986 чалавек^[5], зь іх 76,8 % — палякі, 20,2 % — беларусы, 2,0 % — расейцы^[6].

Населеныя пункты

• 1 студзеня 1947 году — 12^[7]
• 1 студзеня 1974 году — 17^[8]
• 1 студзеня 1981 году — 17^[9]
• 1 студзеня 1986 году — 17^[10]