Шэйка (Гомельская вобласьць)

Шэ́йка^[1] — вёска ў Неглюбскім сельсавеце Веткаўскага раёну Гомельскай вобласьці Беларусі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Шэйка.

Шэйка
Першыя згадкі:	XIX ст.
Вобласьць:	Гомельская
Раён:	Веткаўскі
Сельсавет:	Неглюбскі
Насельніцтва:	22 чалавекі (2004)
Часавы пас: • летні час:	UTC+2 UTC+3
Тэлефонны код:	+375 2330
Геаграфічныя каардынаты:	52°41′52″ пн. ш. 31°29′15″ у. д.
Шэйка на мапе Беларусі Шэйка

Гісторыя

Па пісьмовых крыніцах вядомая з XIX стагодзьдзя як вёска ў Стаўюнскай воласьці Гомельскага павету Магілёўскай губэрні. У 1880 годзе адчынена хлебазапасная крама. Паводле перапісу 1897 году разьмяшчалася школа пісьменнасьці. Побач быў фальварак Шэйка (ён жа Крыстынпольле). У 1909 годзе 310 дзесяцін зямлі, у фальварку 395 дзесяцін зямлі.

З 8 сьнежня 1926 году па 30 сьнежня 1927 году цэнтар Шэйкагуцкага сельсавету Сьвяцілавіцкага, з 4 жніўня 1927 гады Веткаўскага раёнаў Гомельскай акругі. У час Вялікай Айчыннай вайны 3 жыхары загінулі на фронце. У 1959 годзе ў складзе саўгаса «Сяброўства» (цэнтар — вёска Неглюбка).

Геаграфія

За 35 км на паўночны ўсход ад Веткі, 45 км ад чыгуначнай станцыі Добруш (на лініі Гомель — Вышкаў), 54 км ад Гомелю.

Транспартная сувязь

Транспартныя сувязі па прасёлкавай, затым аўтамабільнай дарозе Стаўбун — Ветка. Пляніроўка складаецца з амаль просталінейнай вуліцы, блізкай да мэрыдыянальнай арыентацыі. Забудова драўляная, сядзібнага тыпу.

Насельніцтва

• 1897 год — 50 двароў 277 жыхароў (паводле перапісу).
• 1909 год — 300 жыхароў; у фальварку — 11 жыхароў.
• 1940 год — 51 двор, 316 жыхароў.
• 1959 год — 241 жыхар (паводле перапісу).
• 2004 год — 14 гаспадарак, 22 жыхары.