Сельсавет

Сельсаве́т, се́льскі саве́т (с/с) — назва адміністрацыйна-тэрытарыяльнай адзінкі Беларусі, мэханічна перанесеная з савецкіх часоў, а таксама ў Расеі (у некаторых рэгіёнах). Традыцыйная беларуская назва адпаведнай адміністрацына-тэрытарыльянай адзінкі ад часоў Вялікага Княства Літоўскага — староства^[1][2].

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Савет.

Этымалёгія

Паводле Этымалягічнага слоўніка беларускай мовы НАН Беларусі, слова «савет» ёсьць запазычаньнем з расейскага «совет», «советовать»^[3].

Беларусь

Падзел на сельсаветы ўводзіўся пастановай ЦВК БССР ад 7 ліпеня 1924 году. Такі падзел застаўся ў Беларусі па распадзе СССР.

Сельсаветы ўваходзяць у склад раёнаў, аб’ядноўваючы на сваёй тэрыторыі некалькі сельскіх населеных пунктаў. Адміністрацыйны цэнтар сельсавету знаходзіцца ў аграгарадку, а пры яго адсутнасьці — у іншым населеным пункце на тэрыторыі сельсавету. Органам улады на тэрыторыі сельсавету зьяўляецца сельскі Савет народных дэпутатаў. На 1 лютага 2008 году ў Беларусі налічвалася 1465 саветаў дэпутатаў^[4].

На 10 траўня 1922 году ў Беларускай ССР налічвалася 2051 сельсаветаў^[5], на 1 студзеня 1925 году — 3405 сельсаветаў^[5], на 2 студзеня 1925 году — 1202 сельсаветаў^[6], на 1 студзеня 1926 году — 1202^[7], на 1 студзеня 1927 году — 1661 сельсаветаў^[8], на 1 студзеня 1930 году — 1446^[5], на 15 лістапада 1930 году — 1440^[9], на 15 лістапада 1931 году — 1418^[10], на 1 ліпеня 1932 году — 1417^[11], на 15 ліпеня 1934 году — 1427^[12][5], на 15 жніўня 1935 году — 1472^[13], на 1 кастрычніка 1938 году — 1420^[14], на 1 сакавіка 1939 году — 1420^[15], на 1 траўня 1940 году — 1398^[16], на 1 студзеня 1941 году — 2808^[17], на 1 студзеня 1947 году — 2522^[18][19], на 1 траўня 1949 году — 2521^[20], на 1 студзеня 1951 году — 2521^[21], на 2 сьнежня 1953 году — 2520^[22], на 1 сакавіка 1954 году — 2520^[5][23], на ліпень 1954 году — 1923^[22], на 1 студзеня 1959 году — 1881^[24], на 1 студзеня 1964 году — 1528^[5], на 1 студзеня 1965 году — 1521^[25], на 7 студзеня 1965 году — 1520^[5], на 1 ліпеня 1967 году — 1544^[5], на 1 студзеня 1968 году — 1506^[26], на 1 студзеня 1980 году — 1506^[27], на 1 студзеня 1981 году — 1506^[28], на 1 студзеня 1982 году — 1507^[28], на 1 студзеня 1983 году — 1506^[28], на 1 студзеня 1984 году — 1506^[28], на 1 студзеня 1985 году — 1506^[28], на 1 студзеня 1986 году — 1506^[29], на 1 студзеня 1987 году — 1502^[30], на 1 сьнежня 1988 году — 1482^[31], на 1 студзеня 1991 году — 1480^[5].

На 1 кастрычніка 1994 году ў Беларусі налічвалася 1448 сельсаветаў^[32], на 1 студзеня 1999 году — 1456^[33], па іншых зьвестках — 1506^[34], на 1 студзеня 2003 году — 1427^[35], на 1 студзеня 2004 году — 1439^[36], на 1 кастрычніка 2004 году — 1390^[37], на 1 студзеня 2007 году — 1446 (уключаючы і пасялковыя саветы)^[38], на 1 студзеня 2008 году — 1358^[39], на 14 кастрычніка 2009 году — 1345^[40], на 1 студзеня 2010 году — 1346^[41], на 1 студзеня 2011 году — 1295^[42], на 1 студзеня 2012 году — 1273 (не ўключаючы пасялковыя саветы)^[43]/1292 (уключаючы пасялковыя саветы)^[44], на 1 студзеня 2013 году — 1280^[45], на 1 студзеня 2014 году — 1162 (не ўключаючы пасялковыя саветы)^[46]/1214 (уключаючы пасялковыя саветы)^[47], на 1 студзеня 2015 году — 1159^[48], на 1 студзеня 2016 году — 1163^[49], на 1 студзеня 2017 году — 1164^[50], на 1 студзеня 2018 году — 1156^[51], на 1 студзеня 2019 году — 1151^[52].

Дадатковыя зьвесткі

• У Беларусі самая распаўсюджаная назва сельсавету (на 1 студзеня 2010 году) — Кастрычніцкі, агулам іх налічваецца дзевяць. Далей ідуць Навасёлкаўскі — восем, Каменскі, Ленінскі — па шэсьць, Залескі, Першамайскі — па пяць, Гарадзецкі, Забалацкі, Кіраўскі, Навадворскі, Парэцкі — па чатыры.
• У Беларусі маецца некалькі сельсаветаў, у склад якіх уваходзіць толькі адзін населены пункт (на 1 студзеня 2010 году): Аброўскі, Багданаўскі, Глушкавіцкі, Навазасімавіцкі, Павіцьцеўскі, Радзілавіцкі.
• Найбольшая колькасьць сельсаветаў у вобласьці — на 1 студзеня 2004 году — у Менскай (308).
• Найменшая колькасьць сельсаветаў у вобласьці — на 1 студзеня 2004 году — у Гарадзенскай (189).
• Найбольшая колькасьць сельсаветаў у раёне — на 1 студзеня 2010 году — у Пінскім (24), затым ідзе Баранавіцкі раён, у якім налічваецца 21 сельсавет; на 1 студзеня 2003 году — у Гомельскім (25).
• Найменшая колькасьць сельсаветаў у раёне — на 1 студзеня 2010 году — у Нараўлянскім (чатыры); у Дрыбінскім, Краснапольскім, Крычаўскім, Прапойскім і Чэрыкаўскім раёнах (па пяць); на 1 студзеня 2003 году — у Крычаўскім, Нараўлянскім і Чэрыкаўскім раёнах (па пяць).

Глядзіце таксама

• Воласьць
• Староства
• Гміна
• Сельская рада