Шэр (сьпявачка)

Шэ́рылін Саркіся́н Лап’е́р Бо́на О́лмэн (па-ангельску: Cherilyn Sarkissian LaPiere Bono Allman; нар. 20 траўня 1946 году, Эль-Сэнтра, Каліфорнія), вядомая пад псэўданімам Шэр (па-ангельску: Cher) — амэрыканская поп-сьпявачка армянскага паходжаньня, аўтарка песень, акторка, рэжысэрка, тэлевядоўца. Адметная сваім сьпеўным контральтам і працяглай шасьцідзесяцігадовай кар’ерай.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Шэр (неадназначнасьць).

Шэр
Шэрылін Саркісян
Дата нараджэньня	20 траўня 1946 (79 гадоў)
Месца нараджэньня	Эль-Сэнтра, Каліфорнія, ЗША
Месца вучобы	падрыхтоўчая школа Мантлерскага коледжу[d] вышэйшая школа Фрэсна[d] The Center for Early Education[d]
Прафэсія	сьпявачка, кампазытарка, рэжысэрка, прадусарка
Гады дзейнасьці	1963 — дагэтуль
Псэўданімы	Cher[1], Bonnie Jo Mason[2], Cheryl LaPiere[2], Cherilyn Sarkisan LaPiere[2], Cher Bono[2], Cherilyn Sarkisian LaPiere Bono Allman[2] і Cher Allman
Сябра ў	Sonny & Cher[d] і Allman and Woman[d]
Жанры	поп рок дыска танцавальная фолк
Вакал	кантральта[d]
Інструмэнты	вакал
Псэўданімы	Cher[1], Bonnie Jo Mason[2], Cheryl LaPiere[2], Cherilyn Sarkisan LaPiere[2], Cher Bono[2], Cherilyn Sarkisian LaPiere Bono Allman[2] і Cher Allman
Гурты	Sonny & Cher
Супрацоўніцтва	Allman and Woman Black Rose
Лэйблы	Atco Casablanca Columbia Geffen Imperial Kapp MCA Reprise United Artists Warner
Бацька	John Sarkisian[d]
Маці	Джорджыя Гольт[d]
Дзеці	Элайджа Блю Олмэн[d] і Чэз Бона[d]
Узнагароды	прайм-таймавая прэмія «Эмі»[d] (2003) Залатая пальмавая галіна (1985) Hasty Pudding Woman of the Year[d] (1985) прэмія «Авангард»[d] (1998) Golden Globe Award for Best Television Series – Musical or Comedy[d] (1974) Прэмія «Залаты глобус» за найлепшую жаночую ролю — камедыя ці мюзікл[d] (1988) Заля славы рок-н-ролу (2024)
Сайт	cher.com
Подпіс
Шэр у Вікісховішчы

Займела папулярнасьць у 1965 року ў складзе фолк-рокавага дуэту з уласным мужам дзякуючы песьні „I Got You Babe“, якая ўзначаліла гіт-парады ЗША і Вялікабрытаніі. Адначасна ў 1966 року Шэр пачала сольную кар’еру. У 1970-я пачала весьці тэлевізійныя перадачы. За гэты час стала артысткай, якая мае найбольшую колькасьць 1-ых месцаў у гіт-парадах ЗША.

У 1975 року разьвяліся з Соні Бона.

У 1982 року дэбютавала ў Брадўэйскай пастанове „Come Back to the Five and Dime, Jimmy Dean, Jimmy Dean“ ды зьнялася ў ейнай экранізацыі. Працягнула здымкі яшчэ ў некалькіх фільмах і атрымала прэмію Акадэміі найлепшай акторцы за ролю ў фільме „Зачараваныя Месяцам“ (1987). Пасьля зноў зьвярнулася да музычнай кар’еры і запісала рокавыя альбомы Cher (1987), Heart of Stone (1989), Love Hurts (1991). Альбом танцавальнага попу Believe зноў вывеў сьпявачку на першае месца па продажах у Вялікабрытаніі і прынёс ёй узнагароду Billboard за аднайменны самотнік.

Шэр уваходзіць у сьпіс найпрадаванейшых музычных выканаўцаў — колькасьць ейных прададзеных альбомаў перавышае 100 мільёнаў асобнікаў. Ляўрэатка прэміяў „Грэмі“, „Эмі“, Акадэміі, трох Залатых Глёбусаў, прэміі Канскага кінафэстывалю, „Іконы Billboard“, Цэнтру Кенэдзі і Рады мадэльераў Амэрыкі. Адзіная артыстка, музыка якой займала першыя месцы ў гіт-парадах Billboard на працягу шасьці дзесяцігодзьдзяў (ад 1960-х да 2010-х).

Жыцьцяпіс

Бацька Шэрылін — Джон Саркісян — кіроўца грузавіка армянскага паходжаньня; маці — Джорджыя Голт — акторка і мадэлька^[3][4][5][6]. Бацькі разьвяліся, калі дзяўчынцы было дзесяць месяцаў^[5]. Пазьней маці выйшла за актора Джона Саўтгола^[7]; гэтая сям’я распалася, калі Шэр было 9^[8]. Маці яшчэ некалькі разоў выходзіла замуж і пераяжджала па ўсёй краіне.