Эмілі Брантэ

Э́мілі Джэйн Брантэ́ (па-ангельску: Emily Jane Brontë; 30 ліпеня 1818, Торнтан, Ангельшчына — 19 сьнежня 1848, Гаўорт, Ангельшчына) — ангельская пісьменьніца і паэтка, аўтарка сусьветна вядомага рамана «Навальнічны перавал»^[9]. Лічыцца клясыкам ангельскай літаратуры.

Эмілі Брантэ
па-ангельску: Emily Brontë
Асабістыя зьвесткі
Імя пры нараджэньні	Эмілі Джэйн Брантэ
Псэўданімы	Эліс Бэл
Нарадзілася	30 ліпеня 1818(1818-07-30)[1][2][3][…] Брэдфард[d], Заходні Ёркшыр, Вялікабрытанія[4]
Памерла	19 сьнежня 1848(1848-12-19)[1][2][5][…] (30 гадоў) Гоўэрт[d], Ангельшчына
Пахаваная	Царква сьвятога Міхаіла і ўсіх анёлаў[d]
Бацькі	Патрык Брантэ[d][6] Марыя Брантэ[d][6]
Літаратурная дзейнасьць
Род дзейнасьці	паэтка, навэлістка, пісьменьніца, настаўніца, гувэрнантка
Гады творчасьці	? — 19 сьнежня 1848
Жанр	мастацкая выдумка[7] і паэзія[7]
Мова	ангельская[8]
Подпіс
Эмілі Брантэ ў Вікісховішчы

Жыцьцяпіс

Тры сястры Брантэ. Карціна, напісаная Бранўелам Брантэ ў 1834 годзе. Зьлева направа намаляваныя: Эн, Эмілі і Шарлота (бачная таксама цень Бранўела, які зьявіўся, калі ён сьцёр сваё адлюстраваньне)

Будынак «Brontë Parsonage», цяпер музэй, у Геўорце, Ёркшыр, Ангельшчына. Былы сямейны будынак сясьцёр Брантэ: Шарлоты, Эмілі і Эн.

Эмілі Джэйн Брантэ нарадзілася 30 ліпеня 1818 году ў Торнтане ля Брэдфарду, Ёркшыр, Ангельшчына, Вялікабрытанія. Яна была дачкой Патрыка Брантэ, сьвятара, і Марыі Брэнўэл, якая паходзіла з купецкага асяродзьдзя. У яе былі старэйшыя сёстры Марыя, Элізабэт, Шарлёта, малодшая сястра Эн і старэйшы брат Бранўел Брантэ.

У 1820 годзе сям’я пераехала ў вёску Геўорт(en), так як Патрык Брантэ, бацька Эмілі, атрымаў тут месца сьвятара.

15 верасьня 1821 году памерла маці Емілі — Марыя Брантэ. Пасьля сьмерці маці тры старэйшыя дзяўчынкі былі зьмешчаныя ў школу для дзяцей-сірот беднага духавенства, якая ўяўляла сабой змрочную ўстанову, дзе маленькія выхаванкі пакутавалі ад холаду і голаду, даволі жорсткага абыходжаньня. Пасьля сьмерці ад сухотаў двух старэйшых дачок, Марыі і Элізабэт, сьвятар забраў дадому ледзь жывую Шарлёту. Пасьля сьмерці Марыі Брантэ яе родная сястра Элізабэт займалася выхаваньнем дзяцей. Менавіта яна пазьней стала правобразам Нэлі Дзін у рамане «Навальнічны перавал».

Некаторы час Эмілі Брантэ разам з Шарлётай вучылася ў дабрачыннай школе ў Кован-Брыдж.

Творчасьць

У 1847 годзе быў выдадзены раман Эмілі Брантэ «Навальнічны перавал», які пасьля прынёс ёй славу.

Сьмерць

У верасьні 1848 году Эмілі прастудзілася на пахаваньні брата Бранўела Брантэ й 19 сьнежня памерла ад сухотаў.

Ушанаваньне памяці

У гонар Эмілі Брантэ названы кратар на Мэркурыі. Эмілі Брантэ намаляваная на брытанскай паштовай марцы 1980 году.

Бібліяграфія

• Alexander, Christine and Sellars, J. (1995) The Art of the Brontës, Cambridge; New York: Cambridge University Press, ISBN 0-521-43248-0
• Juliet Barker (1995) The Brontës, London: Phoenix Press, ISBN 1-84212-587-7
•  Benvenuto, Richard Emily Brontë. — Boston: Twayne Publishers, 1982. — ISBN 0-80576-813-0
•  Fraser, Rebeca The Brontës: Charlotte Brontë and her family. — New York: Crown Publishers, 1988. — ISBN 0-517-56438-6
•  Gaskell, Elizabeth Cleghorn The Life of Charlotte Brontë. — London: D. Appleton, 1857. — Т. 2.
•  Gérin, Winifred Emily Brontë. — Oxford: Clarendon Press, 1971. — ISBN 01-9812-018-4
• The Brontës A to Z. — New York: Facts On File, 2003. — ISBN 0-8160-4303-5
•  Robinson, F. Mary A. Emily Brontë. — Boston: Roberts Brothers, 1883.
•  Vine, Steven Emily Brontë. — New York: Twayne Publishers, 1998. — ISBN 0-80571-659-9