Энтані Гордан

Энтані Гордан (па-ангельску: Anthony Gordon; нар. 24 лютага 2001 году) — ангельскі футбаліст, нападнік клюбу «Ньюкасл Юнайтэд» і нацыянальнай зборнай Ангельшчыны. Вядомы сваім хуткастнымі здольнасьцямі, галявымі навычкамі і дрыблінгам.

Энтані Гордан
Пэрсанальная інфармацыя
Нарадзіўся	24 лютага 2001(2001-02-24)[1] (24 гады) Лівэрпул, Паўночна-Заходняя Ангельшчына[d], Ангельшчына, Вялікабрытанія[2]
Рост	183 см[3]
Пазыцыя	вінгер
Клюбная інфармацыя
Клюб	Ньюкасл Юнайтэд
Нумар	10
Клюбы
Гады	Клюб	Гульні (галы)¹
2017—2023	Эвэртан	65 (7)
2021	→ Прэстан Норт Энд	11 (0)
2023—	Ньюкасл Юнайтэд	85 (18)
Зборныя
2018—2019	Ангельшчына (да 18)[d]	10 (0)
2019	Ангельшчына (да 19)[d]	7 (2)
2020	Ангельшчына (да 20)[d]	1 (0)
2021—2023	Ангельшчына (да 21)[d]	16 (6)
2024—	Ангельшчына	10 (1)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 25 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 22 сакавіка 2025.

Кар’ера

Клюбная

Займаўся ў акадэміях «Лівэрпулу» і «Эвэртану». Дэбютаваў у складзе апошняй з памянёных камандаў 6 сьнежня 2017 году ў матчы Лігі Эўропы супраць кіпрскага «Апалёну». 18 студзеня 2020 году Гордан дэбютаваў у Прэм’ер-лізе, выйшаўшы на замену ў матчы супраць «Ўэст Гэм Юнайтэд» (1:1). Пачаў часьцей гуляць у складзе клюбу з сэзону 2021—2022 гадоў. Свой першы гол у ангельскім першынстве забіў 2 студзеня 2022 году ў матчы супраць «Брайтан энд Гоўв Альбіёну»^[4]. У траўні быў названы найлепшым маладым гульцом году каманды з боку прыхільнікам клюбу^[5]. Падчас летняга трансфэрнага вакна 2022 году яго зьвязвалі з «Чэлсі»^[6][7]. Падчас студзеньскага трансфэрнага вакна Sky Sports паведамляла, што Гордан не зьявіўся на трэнаваньне, каб прымусіць кіраўніцтва каманды даць дазвол на ягоны пераход у «Ньюкасл Юнайтэд»^[8].

29 студзеня 2023 году Гордан прыяднаўся да «Ньюкасл Юнайтэд» згодна з доўгатэрміновай дамовай^[9]. Сума трансфэру, як паведамляла BBC Sport, першапачаткова складала 40 мільёнаў фунтаў стэрлінгаў з патэнцыйным бонусам^[10]. У новай дружыне запачаткаваў кар’еру 4 лютага, выйшаўшы на замену на 69-й хвіліне ў хатнім нічыйным матчы супраць «Ўэст Гэм Юнайтэд» (1:1)^[11].

Міжнародная

У складзе нацыянальнай зборнай Ангельшчыны дэбютаваў 23 сакавіка 2024 году ў таварыскім матчы супраць зборнай Бразыліі^[12]. Быў абраны ў склад зборнай на чэмпіянат Эўропы 2024 году. Першым голам у складзе нацыянальнай каманды адзначыўся 17 лістапада таго ж году ў матчы супраць зборнай Ірляндыі^[13].