Юргордэн Стакгольм
швэдзкі футбольны клюб з Стакгольму From Wikipedia, the free encyclopedia
Remove ads
«Юргордэн» (па-швэдзку: Djurgårdens) — швэдзкі футбольны клюб з гораду Стакгольму. Заснаваны ў 1891 годзе і першапачаткова базаваўся на востраве Юргордэн. Сёньня свае хатнія матчы ладзіць на стадыёне Тэле2 Арэна. 12-разовы чэмпіён Швэцыі, пяціразовы ўладальнік Кубка Швэцыі. Пасьпяховыя эры клюбу можна падзяліць на тры пэрыяды. Першы пэрыяд цягнуўся ў 1910-я гады, калі футбалісты «Юргордэн» чатыры разы станавіліся чэмпіёнамі краіны. Другая эпоха доўжылася ў 1950-я і 1960-я гады, калі клюб таксама чатыры разы здабываў тытул чэмпіёна. Апошняй пасьпяховай эрай была першая палова 2000-х гадоў, калі стакгольмцы тройчы здабывалі як тытул чэмпіёнаў, гэтак і кубак Швэцыі. З 2017 году «Юргордэн» таксама мае ўдалы час, як у нацыянальных спаборніцтвах, гэтак і міжнародных турнірах. Гэтак клюб у 2019 годзе станавіўся чэмпіёнам Швэцыі, а сэзон 2022 году скончыў на другім радку.
Remove ads
Гісторыя
«Юргордэн» бярэ свой пачатак у першую чаргу дзякуючы Юну Янсану, які 12 сакавіка 1891 году ў кавярні на востраве Юргордэн у цэнтральным Стакгольме пастанавіў стварыць клюб. Большасьць сябраў-заснавальнікаў паходзілі з працоўнае клясы докаў[2]. Такая ідэнтычнасьць на працоўных заставалася ажно да 1940-х і 1950-х гадоў. Першапачаткова клюб быў засяроджаны на зімовых відах спорту і лёгкай атлетыкі. Першае сапраўднае футбольнае поле ў Стакгольме было пабудаванае ў 1896 годзе. «Юргордэн» займеў уласную футбольную каманду ў 1899 годзе, дзякуючы намаганьням былога гульца ГАІСу Тэадора Андэрсана[3]. Свой першы матч клюб згуляў у ліпені 1899 году, атрымаўшы паразу ад АІКу зь лікам 1:2[3].
Remove ads
Склад
- Актуальны на 20 ліпеня 2025 году
Remove ads
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads