Юры Малышэўскі

Ю́ры Малышэ́ўскі (нар. 10 студзеня 1956, Ніжняудзінск Іркуцкай вобласьці, Расея) — беларускі выціншчык. Народны майстар Рэспублікі Беларусь (1989), сябра Саюзу майстроў народнай творчасьці (з 1997).

Юры Малышэўскі
Юры Малышэўскі праводзіць майстар-клясу па выцінанцы ў Пружанскім палацыку
Дата нараджэньня	10 студзеня 1956(1956-01-10) (69 гадоў)
Месца нараджэньня	Іркуцкая вобласьць, РСФСР, СССР
Занятак	маляр, выцінанка

Вікіпэдыя мае артыкулы пра іншых асобаў з прозьвішчам Малышэўскі.

Жыцьцяпіс

Нарадзіўся ў 1956 годзе ў г. Ніжняудзінск Іркуцкай вобласьці (Расея) ў сям’і вайскоўца. Праз тры гады сям’я пераехала ў Ружаны, на радзіму бацькі. Юры Малышэўскі скончыў ружанскую дзесяцігодку (1973), адначасова займаўся ў гуртку пад кіраўніцтвам вядомага цяпер плякатыста і журналіста Ўладзімера Крукоўскага.

Адслужыў у войску (1974—1976), у 1986 скончыў Маскоўскі завочны народны ўнівэрсытэт мастацтваў імя Н. Крупскай (факультэт жывапісу і графікі).

З 1987 працуе ў мастацкай майстэрні аддзелу культуры Пружанскага райвыканкаму. Кіруе дзіцячай студыяй народнай творчасьці па мастацтве выцінанкі і разьбы па дрэве.

Творчасьць

Натхніў яго на стварэньне выцінанак на пачатку 70-х рокаў XX ст. прыклад мясцовага ксяндза, пробашча касьцёлу Сьв. Тройцы Міхася Варанецкага, які займаўся выразаньнем традыцыйных сурвэтак і карцінак-пано арнамэнтальнага і расьліннага характару^[1]. Юры Малышэўскі ў творах адлюстроўвае тры тэмы: жыцьцё лесу і яго насельнікаў, гісторыя роднага мястэчка, дзейнасьць паўстанцаў Кастуся Каліноўскага.

Акрамя выцінанкі, працуе таксама ў жывапісе, графіцы, рэстаўрацыі. Цікавіцца гісторыяй Ружанаў, зьбірае ўсё зьвязанае з родным мястэчкам.

Пэрсанальныя выставы праходзілі ў Менску, Пружанах (музэй «Пружанскі палацык»), Кобрыні, Пінску, Берасьці^[2].

Прэміі і ўзнагароды

1987 — мэдаль ляўрэата выставы народнае творчасьці на ВДНГ у Маскве.