Юры Станіслаў Сапега

Юры Станіслаў Сапега (1668 — 12 кастрычніка 1732) — дзяржаўны і вайсковы дзяяч Вялікага Княства Літоўскага. Падстолі (1686) і стольнік вялікі літоўскі (1686—1703 і з 1709), ваявода троцкі (1706—1709) і амсьціслаўскі (1732).

Юры Станіслаў Сапега

Герб «Ліс»
Асабістыя зьвесткі
Нарадзіўся	1668
Памёр	12 кастрычніка 1732 Варшава, Рэч Паспалітая[1]
Пахаваны	Бярозаўскі кляштар
Род	Сапегі
Бацькі	Казімер Ян Сапега Крыстына Барбара з Глябовічаў
Жонка	Ізабэла Алена з Палубінскіх Тэадора з Солтанаў
Дзеці	ад 2-га шлюбу: Антоні Казімер, Тэрэза Крыстына, Бэнэдыкта, Салямэя Ганна
Дзейнасьць	рэгулярныя клерыкі

Біяграфія

З магнацкага роду Сапегаў гербу «Ліс», сын Казімера Яна і Крыстыны Барбары з Глябовічаў. Меў братоў Аляксандра Паўла і Міхала Францішка.

Навучаўся ў Вільні і Брунсбэргу. Удзельнічаў у ваенных дзеяньнях супраць туркаў. У Вялікую Паўночную вайну разам зь іншымі прадстаўніка радзіны ваяваў на баку швэдаў і Станіслава Ляшчынскага, пазьней перайшоў да Аўгуста Моцнага^[2].

Займаў шэраг высокіх дзяржаўных пасадаў, абіраўся паслом на соймы 1690, 1693 і 1695.

Першы шлюб з Ізабэлай Аленай Палубінскай быў бязьдзетным, у другім шлюбе з Тэадорай Солтан меў сына Антонія Казімера і дачок Тэрэзу Крыстыну, Бэнэдыкту і Салямэю Ганну.