Юстын Поль

Юстын Рамуальд Поль (па-польску: Justyn Romuald Pol) (1802—1831) — філярэт, адзін з арганізатараў Лістападаўскага паўстаньня на тэрыторыі былога Вялікага Княства Літоўскага.

Юстын Поль
Дата нараджэньня	1802
Дата сьмерці	1831
Месца вучобы	юрыдычны факультэт Віленскага ўнівэрсытэту[d]
Навуковая сфэра	юрыспрудэнцыя

Біяграфія

Навучаўся на юрыдычным факультэце Віленскага ўнівэрсытэту. Падчас навучаньня далучыўся да суполкі філярэтаў, дзе пазнаёміўся з Адамам Міцкевічам. Адзін з герояў паэмы Адама Міцкевіча «Дзяды». Стаў адным з арганізатараў Лістападаўскага паўстаньня ў Ашмянах^[1]. Разам зь Юзэфам Зянковічам, Юзэфам Шчэпінскім, Ігнатам Янкоўскім і Ігнатам Клюкоўскім быў сябрам Віленскага Камітэту, якія былі накіраваны ў Ашмянскі павет^[2]. Падчас паўстаньня ажыцьцяўляў нагляд за дзейнасьцю партызанскіх атрадаў з дробнай шляхты^[3]. Загінуў падчас паўстаньня. З пашпартам памерлага Юстына Поля брат Адама Міцкевіча Францішак Міцкевіч, удзельнік паўстаньня, змог перайсьці мяжу з Прусіяй, пасьля чаго быў інтэрнаваны пад Мальбаркам.