Янка Каліноўскі

Янка Каліноўскі (сапраўднае імя: Яна Нікіфарава; 17 студзеня 2002, Менск, Беларусь) — беларуская паэтка.

Янка Каліноўскі
Асабістыя зьвесткі
Імя пры нараджэньні	Яна Нікіфарава
Нарадзілася	17 студзеня 2002
Літаратурная дзейнасьць
Род дзейнасьці	Паэтка
Гады творчасьці	2017 - сёньня
Мова	беларуская мова[1]
Дэбют	2017
Значныя творы	Падслуханае сьценамі шматпавярховак

Беларуская паэтка Янка Каліноўскі

Жыцьцяпіс

Паэтка жыве ў Менску. Піша пад псэўданімам - Янка Каліноўскі.

Скончыла гімназію №1 імя Ф. Скарыны, навучаецца на факультэце міжнародных адносінаў у БДУ.

Абсалютная пераможца рэспубліканскай алімпіяды па беларускай мове і літаратуры 2016-2017^[2].

Творчасьць

У сьнежні 2017 выйшаў першы зборнік вершаў «Падслуханае сьценамі шматпавярховак»^[3]. Таксама тэксты паэткі публікаваліся ў часопісе «Маладосьць» (яшчэ не пад псэўданімам) і газэце «ЛіМ».

Вось, што кажа паэтка наконт зборніка: «Мяне натхняе ня толькі літаратура. Напрыклад, трэці разьдзел кнігі «Злосны» амаль цалкам напісаны пад уражаньнем ад песень Лявона Вольскага. Што да літаратуры, знаходжу натхненьне ў паэзіі Максіма Багдановіча і Уладзімера Караткевіча. Зьвяртаючыся да сучаснасьці — Віктар Жыбуль. Вельмі моцнае ўзрушаньне выклікаюць раманы Рэмарка. Адчуваю ў іх пульсаваньне жыцьця!»^[4]

У 2020 годзе зьявіўся новы зборнік вершаў паэткі - «Пяць стадый прыняцця Яны Н.»^[5]. Янка Каліноўскі зьяўляецца адным з любімых паэтаў-ліцэістаў БДУ, які запамінаецца змрочнай і максімалісцкай эстэтыкай і незлічонымі згадкамі гурта Joy Division^[6].

Бібліяграфія

● Янка Каліноўскі, Падслуханае сьценамі шматпавярховак, — Мінск: Галіяфы, 2017.

● Яна Нікіфарава, Пяць стадый прыняцця Яны Н., — Мінск: Галіяфы, 2020.