Янка Матушка

Я́нка Ма́тушка (па-славацку: Janko Matúška) — славацкі паэт, дзяяч, драматург і пісар у судзе. Ён найбольш вядомы як аўтар славацкага гімна «Маланка над Татрамі» на мэлёдыю славацкай народнай песьні.

Янка Матушка
Асабістыя зьвесткі
Нарадзіўся	10 студзеня 1821(1821-01-10) Дольны Кубін[d], Жылінскі край
Памёр	11 студзеня 1877(1877-01-11)[1] (56 гадоў) Дольны Кубін[d], Жылінскі край
Пахаваны	Дольны Кубін[d]
Літаратурная дзейнасьць
Род дзейнасьці	паэт, пісьменьнік, драматург
Гады творчасьці	1844 — 1849
Мова	славацкая
Янка Матушка ў Вікісховішчы

Біяграфія

Матушка нарадзіўся ў сям’і рамесьніка ў мястэчку Долным-Кубіне^[2]. Ён пачаў наведваць там школу, потым, магчыма, навучаўся ў гімназіі ў Гемэр, і, нарэшце, навучыўся ў прэстыжным лютэранскім ліцэі ў Браціславе, дзе праходзіў курсы ў Інстытуце чэхаславацкай мовы і літаратуры па спэцыяльнасці тэалёгіі. Людавіт Штур, адзіны на той момант прафэсар інстытуту, быў звольнены ў сьнежні 1843 году пад ціскам уладаў каралеўства, якія выказаліся супраць ягонае праславацкае актыўнасьці.

23-гадовы Янка Матушка напісаў «Маланку над Татрамі», калі ён і іншыя вучні ўзбуджаліся з нагоды наступных неаднаразовых адмоваў у зваротах да школьнай рады аб адмене звальненьня Штура^[3]. Каля двух дзясяткаў студэнтаў, у тым ліку Матушка, на знак пратэсту ў сакавіку 1844 году вырашылі пакінуць ліцэй. Матушка пайшоў здаваць выпускныя экзамэны ў лютэранскую гімназію ў Тысаўцы. Большую частку свайго дарослага жыцьця пражыў у Ораве. Пасьля рэвалюцыі 1848 году перастаў пісаць. Пасьля 1850 году працаваў ва ўрадавых установах, з 1870 па 1875 гады быў сакратаром павятовага суду ў Долным-Кубіне. Паэт памёр на наступны дзень пасьля свайго 56-годзьдзя і быў пахаваны ў родным мястэчку.