Яўген Голант

Яўген Якаўлевіч Голант (10 чэрвеня 1888, Бабруйск — 25 красавіка 1971, Ленінград) — расейскі пэдагог, прафэсар (1938).

Яўген Якаўлевіч Голант
Род дзейнасьці	пэдагог, прафэсар
Дата нараджэньня	10 чэрвеня 1888
Месца нараджэньня	Бабруйск, Менская губэрня, Расейская імпэрыя
Дата сьмерці	25 красавіка 1971
Месца сьмерці	Ленінград, РСФСР
Месца пахаваньня	Могілкі Памяці ахвяраў 9 студзеня[d]
Месца вучобы	юрыдычны факультэт СПбДУ[d] Санкт-Пецярбурскі дзяржаўны ўнівэрсытэт
Занятак	пэдагог, прафэсар унівэрсытэту
Навуковая сфэра	пэдагогіка, дыдактыка[d][1], адукацыя дарослых[d][1] і history of pedagogy[d][1]
Узнагароды

У 1911 скончыў гісторыка-філялягічны і юрыдычны факультэты Пецярбурскага ўнівэрсытэту. З 1912 выкладаў у прыватнай гімназіі. У 1918-1928 вёў працу па ліквідацыі непісьменнасьці; яго чытанка «Будзьма вучыцца» — адзін з асноўных дапаможнікаў для дарослых.

З 1921 на навукова-пэдагагічнай працы ў Ленінградзе, у Інстытуце пазашкольнае адукацыі (1921—1930), Інстытуце навуковае пэдагогікі (1925—1938), ЛДПІ ім. А. І. Герцана (1928—1971).

Стварыў чытанкі і кнігі для чытаньня дарослых, у якіх спалучаюцца мэтад цэлых словаў і аналітыка-сынтэтычная праца. Падрыхтаваў курс лекцыяў па пэдагогіцы на пэдагагічным факультэце ЛДПІ ім. А. І. Герцана, які вызначаўся цеснай сувязьзю зь філязофіяй і гісторыяй культуры. Прынцыпы навучаньня ставіў у залежнасьць ад асабістага вытворча-побытавага і палітычнага досьведу навучэнцаў. У працах па гісторыі пэдагогікі адмысловую ўвагу надаваў разьвіцьцю школьнай адукацыі ў краінах Эўропы і Амэрыкі.