Ꚛ

Ꚛ, ꚛ (перакрыжава́нае о; курсіў: Ꚛ ꚛ) — былая літара кірылічнага альфабэту.

Літара кірыліцы перакрыжаванае О
Ꚛꚛ
Выява
◄  Ꙫ Ꙭ ꙮ Ꚙ Ꚛ П̓ П̀ П̧ П̑  ►
Зьвесткі
Тып	архаічная кірылічная літара, альфабэтны;
Назва ў Юнікодзе	cyrillic capital letter crossed o cyrillic small letter crossed o.svg
Юнікод	Ꚛ: U+A69A ꚛ: U+A69B
HTML	Ꚛ: Ꚛ ꚛ: ꚛ
UTF-16	Ꚛ: 0xA69A ꚛ: 0xA69B
URL-код	Ꚛ: %EA%9A%9A ꚛ: %EA%9A%9B
усе сымбалі · лацінка · кірыліца · грэцкія · дыякрытыкі · валюты · дапамога

Гісторыя

Варыянты мадыфікацыі літары О

Зьяўленьне ⟨Ꚛ⟩ зьвязваюць са зьмяненьнем рэпертуару графем у XIV—XV стагодзьдзяў, зьвязанага з актывізацыяй культурных і канфэсійных сувязяў зь Бізантыяй і паўднёвымі славянамі, у прыватнасьці засваеньня іншаславянскай кніжнай традыцыі^[1] . У берасьцяных граматах XV стагодзьдзя разьвілася традыцыя (найбольш раньнія прыклады якой сустракаюцца ўжо ў XIII стагодзьдзі) у пачатку слова і пасьля галоснай пісаць шырокае, часта растуленае зьверху ⟨о⟩, а ў астатніх выпадках вузкае звычайнае ⟨о⟩. У якасьці шырокага маглі выступаць варыянты вочнага ⟨о⟩, ⟨о⟩ з крыжам: ꚛкрестъ, ꚛкругъ, альбо магла выкарыстоўвацца «амега»: ωстровескои, ωстровескимъ (астроўскі, астроўскім)^[2]. Карскі лічыць зьяўленьне вочных варыянтаў запазычаньнем у грэкаў праз паўднёвых славян, а варыянт з крыжам — другасным у адносінах да вочным варыянтам, створаным па іх узоры^[3]. У заяўцы прыводзяцца ў якасьці прыкладу «early Slavonic manuscripts» і малюнак нейкага друкаванага Эванґельля 1553 ці 1554 году.