2-я горнастралковая дывізія (Вэрмахт)

2-я горная дывізія (па-нямецку: 2. Gebirgs-Division) — створаная ў красавіку 1938 году з 6-й дывізіі аўстрыйскай арміі.

2-я горнастралковая дывізія
па-нямецку: 2. Gebirgs-Division
Гады існаваньня	красавік 1938 — травень 1945
Краіна	Трэці райх
Войны	Другая сусьветная вайна
Удзел у	Польшча, Нарвэгія, Мурманск, Заходні фронт
Вядомыя камандзіры	Георг фон Хэнгель

Баявы шлях дывізіі

У верасьні 1939 году дывізія ўдзельнічала ў Польскай кампаніі (нападала з Славаччыны ў кірунку Львову).

У 1940 годзе ўдзельнічала ў Нарвэскай кампаніі, у тым ліку ў баях за Нарвік. У чэрвені 1940 году ваявала пад Нарвікам (у складзе 138-й і 139-й горна-егерскія палкі), уваходзіла ў склад 19-га горнага корпусу «Нарвэгія» 20-й Ляпляндзкай арміі.

З 22 чэрвеня 1941 — наступала на Мурманск. У лістападзе 1944 — адступіла ў Нарвэгію. У 1944 падразьдзяленьні дывізіі ўтрымлівалі найболей трывалыя ўмацаваньні ў цэнтры абароны корпусу, перакрывалі кірункі на Люостары і Пэтсама. У кастрычніку 1944 году дывізія акружана і зьнішчана ў раёне Кандалякшы. Рэшткі перадысьлякаваны ў Данію, перафармаваны, бралі ўдзел у лютым 1945 году ў баях пад Вюртэмбэргам.

Зь лютага 1945 — на Заходнім фронце (на заходняй мяжы Нямеччыны). Да канца вайны рэшткі дывізіі адступілі ў заходнюю Аўстрыю. Здаліся амэрыканцам.

Склад дывізіі

• 136-ы горна-егерскі полк
• 137-ы горна-егерскі полк
• 140-ы горна-егерскі полк
• 111-ы горна-артылерыйскі полк
  • горны супрацьтанкавы батальён
  • горны выведвальны батальён
  • горны сапёрны батальён
  • горны батальён сувязі

Камандзіры дывізіі

• з 1 красавіка 1938 — ґенэрал-лейтэнант Валянцін Фаерштайн
• з 4 сакавіка 1941 — ґенэрал-лейтэнант Эрнст Шлемэр
• з 2 сакавіка 1942 — ґенэрал-лейтэнант Георг фон Хэнгель
• з 1 лістапада 1943 — ґенэрал-лейтэнант Ханс Дэген
• з 9 лютага 1945 — ґенэрал-лейтэнант Вілібальд Уц

Літаратура

• Roland Kaltenegger: Die deutsche Gebirgstruppe 1935—1945, Universitas Verlag, 2000, ISBN 978-3-8004-1196-2

Вонкавыя спасылкі

• Фотаальбом вайскоўца 136-га горна-стралковага палка са складу 2-й горна стралковай дывізіі У альбоме сабраныя здымкі, зробленыя ў Запаляр’і ў пэрыяд з 1942 па 1944 гг.