Drezden

«Drezden» (па-беларуску: Дрэздэн) — беларуска-ўкраінскі электронны гурт Сяргея Міхалка^[1][2].

Ня варта блытаць з Дрэздэн.

Drezden
Гады	2018 — наш час
Месца ўтварэньня	Кіеў, Украіна
Мова	расейская
Жанр	нью-ўэйв, сынці-поп, краўт-рок, кібэрпанк
Выдавец	Саюз Мьюзік
Зьвязаныя праекты	Brutto, Ляпіс-98, Ляпіс Трубяцкі, Саша и Сирожа, Океан Ельзи, beZ bileta, J:МОРС, Крамбамбуля, The Superboyz, Super Besse, Yellow Brick Road
Удзельнікі	Сяргей Міхалок Уладзімір Апсеніца[d]
drezden.by

Гісторыя

19 лютага 2018 году зьявілася інфармацыя аб тым, што Сяргей Міхалок, лідэр «Brutto» й шэрагу іншых гуртоў, арганізоўвае новы электронны праект, для фармаваньня ядра якога ён ужо заручыўся падтрымкаю гітарыста «Океану Ельзі» Ўладзімера Апсеніцы й прадусару Віталя Цялезіна^[3]. Па словах Міхалка, ён заўсёды быў прыхільнікам новай хвалі, у прыватнасьці новай хвалі Нямеччыны, і таіў мару стварыць свой гурт у гэтым жанры^[4].

Разам з анонсам стварэньня калектыву была распачата праца над аднайменным дэбютным альбомам гурту, выпуск якога адбыўся 30 жніўня 2018 году на лэйбле Саюз Мьюзік^[5]. У той жа дзень выйшаў і кліп на загалоўны трэк кружэлкі «Drezden»^[6].

Сам альбом «Drezden» атрымаў зьмешаную ўвагу прэсы, а крытыкі не маглі пазбавіцца ад дакучлівых музычна-стылістычных асацыяцыяў зь іншымі праектамі Міхалка: «Brutto», «Ляпісам Трубяцкім», «Ляпіс-98»^[7][8][9]. Усяго з кружэлкі было выпушчана 4 сынглы («Drezden»^[10], «Ронин»^[11], «Айсберг»^[12], «Каалы»^[13]), на ўсе якія было зьнята па кліпу.

Адначасова з выпускам у сьвет дэбютнага альбому было абвешчана, што гурт ужо прыступіў да запісу другога^[14]. Увосень 2018 году склад калектыву папоўнілі клявішнік Павал Міхалок (сын Сяргея Міхалка і ўдзельнік «Super Besse»), басіст Алесь-Францішак Мышкевіч, вядомы па выступах за «Ляпіс-98», «J:МОРС», «beZ bileta», «Крамбамбулю», гітарыст Павал Вялічка зь «Yellow Brick Road» і бубнач «beZ bileta» Дзяніс Шураў, які ўжо супрацоўнічаў зь Міхалком у гуртах «Brutto», «Ляпіс-98» і «Ляпіс Трубяцкі»^[15].

Астатнія музыкі канцэртнага туру, пачатак якога заплянаваны на восень 2019 году, стануць вядомыя пазьней^[16].

Удзельнікі

Сяргей Міхалок — вакал (2018—) Уладзімер Апсеніца — гітара (2018—)

Гастрольныя ўдзельнікі Павал Міхалок — клявішныя (2018—) Алесь-Францішак Мышкевіч — бас-гітара (2018—) Павал Вялічка — гітара (2018—) Дзяніс Шураў — ударныя (2018—) Вытворчасьць Віталь Цялезін — саўнд-прадусар (2018—)

Дыскаграфія

Студыйныя альбомы

• «Drezden» (30 жніўня 2018)^[17]

Відэакліпы

• 2018 — «Drezden»
• 2018 — «Ронин»
• 2019 — «Айсберг»
• 2019 — «Коалы»
• 2019 — «Эдельвейс»
• 2020 — «Давида Олень»
• 2020 — «Barrikado»
• 2021 — «Гильотина»
• 2022 — «Молодость и радость»