Гуглплекс

Гуглплекс — штаб-кватэра амэрыканскае карпарацыі «Гугл», разьмешчаная ў Сыліконавай даліне — Маўнтын Вію, Каліфорнія.

Гуглплекс
Пабудаваны	1997
Разьмяшчэньне	Маўнтын Вію, Каліфорнія
Каардынаты	37.421844° пн. ш. 122.084026° з. д. / 37.421844; -122.084026
Галіна	Інтэрнэт, ПЗ
Прадукцыя	Глядзіце сьпіс прадуктаў
Адрас	1600 Amphitheatre Parkway

Назва штаб-кватэры, слова, вытворнае ад Гугл і комплекс, таксама зьяўляецца спасылкай на гугалплекс — 10¹⁰¹⁰⁰, ці 10^гугал. Гэта адна з 23 кропак на тэрыторыі ЗША і Канады, у якіх разьмяшчаецца Google. У Эўропе Google таксама мае 23 офісы, 14 у Азіі і на ціхаакіянскай прасторы, а таксама 3 офісы ў Лацінскай Амэрыцы.

Разьмяшчэньне

Гуглплекс месьціцца паміж Чарльзтанскім праездам, Амфітэатральнай алеяй і Прыбярэдным бульварам у паўночнай частцы Маўнтын Вію, штат Каліфорнія, недалёка ад балоцістга Прыбярэжнага парку. Супрацоўнікі, якія жывуць у Сан-Францыска ці ў Іст Бэй, могуць даехаць да месца працы на аўтобусе з WiFi, які працуе на біядызэльным паліве.^[1]

Ля комплексу таксама разьмяшчаюцца: офіс Майкрасофту, Музэй кампутарнае гісторыі і іншыя кампаніі з Сыліконавае даліны.