Grand Theft Auto V

«Grand Theft Auto V» (скар. GTA V) — мультыплятформавая відэагульня з сэрыі Grand Theft Auto, пятнаццатая па ліку^[5], у жанры Action і адкрыты сьвет, распрацаваная кампаніяй Rockstar North. Дэбютны трэйлер быў выпушчаны 2 лістапада 2011 году^[6], а анонс самой гульні адбыўся на наступны дзень, 3 лістапада^[7]. Выхад гульні першапачаткова плянаваўся на вясну 2013 году^[8], але быў адкладзены на 17 верасьня 2013 году для Xbox 360 і PlayStation 3^[9]. У СНД Grand Theft Auto V выдаецца кампаніяй 1С-СофтКлаб.

Grand Theft Auto V
Дата выпуску	Для Xbox 360: 17 верасьня 2013 году Для PlayStation 3: 17 верасьня 2013 году Для PC: Меркавана ўвесну 2014 году
Дата анансаваньня	3 лістапада 2011
Апошняя вэрсія	PlayStation 4[d], Xbox One[d], Windows: 1.57 (20 ліпеня 2021)[1] PlayStation 3[d]: 1.36 (9 сьнежня 2016)[2] Xbox 360[d]: 1.29 (17 лістапада 2015)[3] Windows, PlayStation 5[d], Xbox Series X/S[d], Xbox One[d]: 1.58[4]
Жанры	Шутар ад трэцяй асобы Адкрыты сьвет Action
Ліцэнзія	Уласьніцкая
Бюджэт	256 000 000 $
Сэрыя	Grand Theft Auto
Стваральнікі
Распрацоўнік	Rockstar North
Выдавец	Rockstar Games
Мова інтэрфэйсу	ангельская
Лякалізатар	Rockstar Lincoln[d]
Кіраўнікі	Род Эдж Адам Фаўлер
Прадусары	Сэм Хаўзэр Лесьлі Бэнзіс
Дызайнэры	Лесьлі Бэнзіс Імран Сарвар
Праграміст	Алекс Хаджаджа
Мастак	Аарон Гарбут
Сцэнарысты	Дэн Хаўзэр Рупэрт Хамфрыс Майкл Ансварта
Кампазытары	The Alchemist Oh No Tangerine Dream Woody Jackson
Тэхнічныя дэталі
Рухавік	RAGE euphoria (анімацыйны рухавік)
Плятформы	ПК (Microsoft Windows) (2014) PlayStation 3 Xbox 360
Рэжымы	Аднакарыстальніцкі, Шматкарыстальніцкі
Век. абмежаваньні	PEGI: 18+
Носьбіты	Аптычны дыск Лічбавая дыстрыбуцыя
Кіраваньне	ПК: Клявіятура і мыш PS3, Xbox 360: Геймпад
Афіцыйны сайт
Grand Theft Auto V у Вікісховішчы

Rockstar Games заявіла, што Grand Theft Auto V — іх самы вялікі і амбіцыйны праект за ўвесь час з самым вялікім створаным імі адкрытым гульнявым сьветам^[10][11].

Геймплэй

Упершыню ў гісторыі сэрыі ў гульні прысутнічаюць адразу тры галоўныя героі, паміж якімі можна пераключацца амаль у любы час^[12][13]. У некаторых місіях даступны два гульцы, у некаторых місіях гульца перакідвае на іншых пэрсанажаў скрыптам. Уся мапа адкрыта гульцам з самага пачатку.

Месца дзеяньня

Месцам дзеяньня Grand Theft Auto V стаў выдуманы горад Лёс-Сантас (па-ангельску: Los Santos), прататыпам якога зьяўляецца Лос-Анджэлес. Лёс-Сантас упершыню зьявіўся ў адной з папярэдніх гульняў сэрыі — Grand Theft Auto: San Andreas, якая выйшла ў 2004 годзе. У гульні апроч самога гораду, таксама прысутнічаюць навакольныя тэрыторыі сельскай мясцовасьці, горы, лясы, узгоркі, і пляжы^[7].

Заняткі

У GTA V ёсьць магчымасьць займацца рознымі відамі спорту: ёгай, трыятлёнам, катаньнем на гідрацыкле, бэйсджампінгам, тэнісам, заняткамі ў трэнажэрнай залі і гольфам на вялікіх палях^[12][13]. Кожны пэрсанаж мае сваё хобі^[12][13]. У гульні прысутнічае дайвінг, можна апускацца на дно з дапамогай батыскафу.

У гульні таксама даступны рабаваньні банкаў^[13].

Камунікацыі

Як і ў папярэдніх гульнях сэрыі, у GTA V ёсьць мабільны тэлефон, але ён можа выкарыстоўвацца для якіх-небудзь дзеяньняў^[12]. Таксама тэлефон можна будзе выкарыстоўваць для доступу ў інтэрнэт^[13]. Функцыянальнасьць істотна зьменена ў параўнаньні з тэлефонам у GTA IV^[13]. У гульні прысутнічае пародыя на iPhone і на кампутары кампаніі Apple. Таксама ў гульні прысутнічаюць пародыі на Windows Phone 8 (інтэрфэйс мабільнага тэлефона Трэвара, цалкам супадае з інтэрфэйсам Windows Phone 8) іAndroid (гульнявая назва — Offdroid).

Ёсьць магчымасьць глядзець тэлевізар, дзе будуць ісьці розныя перадачы^[12].

Мультыплэер

У інтэрвію парталу IGN у сакавіку 2012 году Дэн Хаўзэр распавёў пра некаторыя асаблівасьці шматкарыстальніцкага рэжыму Max Payne 3. У інтэрвію ён адкрыў, што, як і ў Max Payne 3, у GTA V будзе даступная сыстэма «банд» (па-ангельску: crews) — аналяг звычайных клянаў, якіх гульцы змогуць арганізаваць пасродкам он-лайнавага сэрвісу Rockstar Games Social Club. Таксама ён заявіў, што важнасьць мультыплэера за апошнія некалькі гадоў узрасла ў разы, таму Rockstar Games намерваецца актыўна разьвіваць он-лайнавыя аспэкты сваіх гульняў^[14]. Разьвіцьцём гэтых ідэй стала Grand Theft Auto Online.

Узбраеньне і рыштунак

Сьпіс пацьверджанай зброі Grand Theft Auto V^[15]:

Халодная зброя

• Бэйсбольная біта
• Паліцэйская дубінка
• Клюшка для гольфу
• Кіянка
• Тэнісная ракетка
• Бутэлька (дадатак да гульні)

Пісталеты

• Glock 18
• Taurus PT92
• Colt M1911

Пісталеты-кулямёты

• IMI Mini Uzi
• Heckler & Koch MP5 A5

Драбавікі

• Mossberg 590A1
• Kel-Tec KSG

Аўтаматы

• Norinco Type 56-2
• IMI «Compact Tavor» CTAR-21
• Colt AR-15 SBR
• Heckler & Koch HK416 — 10"
• Heckler & Koch G11
• M249 SAW
• Mk 48

Снайпэрскія вінтоўкі

• Accuracy International AWM L115A3
• Barrett M82A1

Цяжкая зброя

• GE M134 Minigun («Мініган»)
• РПГ-7
• Milkor Mark 14 MGL

Кідальная зброя

• Кактэйль Молатава
• C-4
• Дымавая шашка

Рознае

• Парашут

Саўндтрэк

Асноўны артыкул: Саўндтрэк Grand Theft Auto V

Як і ў папярэдніх гульнях сэрыі ў GTA V, радыёстанцыі напоўнены разнастайнай музыкай. Усяго ў гульні 17 радыёстанцый.

Сьпіс пацьверджаных песень у Grand Theft Auto V:

• The Small Faces — «Ogdens Nut Gone Flake» (1968)
• Golden Earring — «Radar Love» (1973)
• Waylon Jennings — «Are You Sure Hank Done It This Way» (1975)
• Rick James — «Give It To Me Baby» (1981)
• Queen — «Radio Ga Ga» (1984)
• Stevie Wonder — «Skeletons» (1987)
• MC Eiht — «Streiht Up Menace» (1993)
• Warren G feat. Nate Dogg — «Regulate» (1994)
• Брытні Сьпірс — «Gimme More» (2007)
• Fergie feat. Ludacris — «Glamorous» (2007)
• Enrique Iglesias feat. Pitbull — «I Like It» (2010)
• Jay Rock feat. Kendrick Lamar — «Hood Gone Love It» (2011)
• Chief Keef — «Love Sosa» (2012)
• The Chain Gang Of 1974 — «Sleepwalking» (2013)