Mars

Mars, Incorporated — амэрыканская харчовая кампанія. Штаб-кватэра — у горадзе Маклін, штат Вірджынія.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Марс (неадназначнасьць).

Mars
Тып	прыватная кампанія[d]
Заснаваная	23 чэрвеня 1911[1]
Краіна	ЗША[2][3]
Разьмяшчэньне	Мак-Лейн[d], ЗША ЗША
Галіна	гатаваньне ежы[d]
Прадукцыя	Mars[d], Snickers, кандытарская прадукцыя, шакаладны батончык[d], мятнае дражэ[d], цукерка, напой, корм для хатніх жывёл[d] і Twix[d]
Лік супрацоўнікаў	80 000 чал. (2017)[4]
Даччыныя кампаніі	Banfield Pet Hospital[d], Wrigley Company[d], Pedigree Petfoods[d], Mars (France)[d], Mars (United Kingdom)[d], Iams[d] і Mars Chocolat France[d]
http://www.mars.com/
Mars у Вікісховішчы

Гісторыя

Заснаваная ў 1911 годзе Франклінам Клерэнсам Марсам (1884—1934; ён разам з жонкай пачаў прадаваць сьмятанкавую карамэль). У 1920 годзе кампанія распрацавала першы з сваіх шакалядных батончыкаў — «Мілкі Ўэй», у 1923 годзе — «Марс».

Фінансаваньне рэжыму Лукашэнкі

Асноўны артыкул: Рэжым Лукашэнкі

Паводле аналізу рэклямных ролікаў на прапагандысцкіх тэлеканалах рэжыму Лукашэнкі, праведзенага 15—21 лістапада 2021 году кампаніяй НКА Libereco і Прафэсійным зьвязам беларусаў у Вялікай Брытаніі, Mars займаў першае месца колькасьцю разьмешчанай платнай рэклямы, чым фактычна працягваў фінансаваць тэлеканалы Лукашэнкі за кошт рэклямных сродкаў, нягледзячы на шматлікія задакумэнтаваныя парушэньні правоў чалавека ў Беларусі^[5].

Русіфікацыя Беларусі

Асноўны артыкул: Русіфікацыя Беларусі

У жніўні 2022 году карпарацыя афіцыйна адмовілася прадубляваць па-беларуску ўжо наяўную на расейскай мове інфармацыю на сваёй прадукцыі, прызначанай да продажу ў Беларусі^[6].

Глядзіце таксама

• Whiskas
• H. J. Heinz Company