Recha

«Recha» (Рэ́ха) — беларускі музычны гурт, заснаваны ў 2002 годзе. Грае ў жанры поп і фолк-мадэрн, актыўна ўжываючы ў сваёй творчасьці й іншыя жанры. Гурт шырока вядомы сваімі вулічнымі канцэртамі і дабрачыннымі выступамі ў разнастайных установах^[1].

Recha
Гады	2002 — цяпер
Месца ўтварэньня	Менск
Мова	беларуская
Жанр	поп, фолк-мадэрн
Удзельнікі	Андрусь Такінданг
Былыя ўдзельнікі	Мікіта Кішоў Арына Лісецкая Марыя Сільвановіч

Мінуўшчына

«Recha» заснаванае ў 2002 годзе^[2] ў складзе: Арына Лісецкая (скрыпка, сьпеў), Кастусь Лісецкі (бас-гітара), Мікіта Кішоў (гітара), Андрусь Такінданг (домра, гітара, сьпеў), Марыя Сільвановіч. Пачыналі выступаць у Польшчы, удзельнічалі ў Басовішчы і Бардаўскай восені, правялі тур па Беларусі. Пасьля двухгадовага перапынку гурт сабраўся ў новым складзе (Андрусь Такінданг, Мікіта Кішоў, Кастусь Лісецкі, акардыяніст Віктар Паўлючэня і ўдарнік Леанід Паўлёнак). У 2011 г. на зьмену Мікіту да «Recha» далучыўся гітарыст Яўген Шурмей.

У сьнежні 2015 году гурт выдаў свой першы альбом «Pierajnačyć» (Перайначыць), у які ўвайшлі песьні, напісаныя ў 2010—2014 гадох^[3].

Другі альбом «Žyvak» (Жывак) выйшаў у 2019 годзе^[4].

Склад

• Андрусь Такінданг — сьпеў, домра
• Кастусь Лісецкі — бас-гітара
• Леанід Паўлёнак — ударныя
• Віктар Паўлючэня — акардэон
• Яўген Шурмей — электрагітара

Дыскаграфія

• Pierajnačyć (2015)
• Žyvak (2019)

Удзел у складанках

• «Песьні свабоды-3. Плошча імя Каліноўскага» (2007), трэк «Бацькаўшчына»
• «НезалежныЯ» (2008), трэк «Як сьпявала»