TikTok

«ТыкТок» (анг. TikTok) — сэрвіс для стварэньня і прагляду кароткіх відэа, што належыць пэкінскай кампаніі «ByteDance». Пачаў працаваць летам 2018 году. Хутка стаў галоўнай відэаплятформай кароткіх ролікаў у Кітаі^[5] і робіцца ўсё больш папулярнай у іншых краінах, стаўшы прыладай, якая часьцей за ўсё спамоўваецца і павялічвае сваіх карыстальнікаў^[6][7].

«ТыкТок»
Слоган	Палепшыце ваш дзень
Тып	сацыяльная сетка
Даступныя мовы	40, у тым ліку польская, расейская і ўкраінская (2024 год)[1]
Уладальнік	ТАА «Байтдэнс» (Кайманавы астравы)[2]
Пачатак працы	1 верасьня 2016 (8 гадоў таму)
Камэрцыйны?	так
Рэгістрацыя	не абавязковая (2024 год)[3], задарма
Актуальны стан	працуе
Рэйтынг Alexa	795[4], 779[4] і 184
Ліцэнзія	платная ліцэнзія[d]
tiktok.com

У Кітаі вядомая як «Доўінь» (па-кітайску: 抖音). «TikTok» і «Доўінь» зьяўляюцца па сутнасьці аднолькавай прыладай, але працуюць на розных сэрвэрах згодна зь дзейным кітайскім заканадаўствам і цэнзурнымі абмежаваньнямі. Прадстаўніцтва «TikTok» знаходзіцца ў Лос-Анджэлесе, Нью-Ёрку, Лёндане, Парыжы, Бэрліне, Дубае, Мумбаі, Джакарце, Сэуле і Токіё.

У Кітаі, дзе прылада найбольш папулярная, 60% яе карыстальнікаў маюць узрост 25-44 гады, а за межамі Кітаю 43% карыстальнікаў старэйшыя за 24 гады^[8].

Забарона ў ЗША

Напрыканцы ліпеня 2020 году прэзыдэнт ЗША Дональд Трамп заявіў аб забароне кітайскай праграмы сацсеткі TikTok на тэрыторыі краіны. Дональд Трамп паабяцаў падпісаць дакумэнты 1 жніўня^[9]. Прэзыдэнт таксама не падтрымаў ідэю аб набыцьці TikTok амэрыканскай кампаніяй. Паводле зьвестак газэты The New York Times, купляй кітайскай праграмы цікавілася кампанія Microsoft. Вашынгтон лічаць, што зь ейнай дапамогай кітайскія ўлады зьбіраюць інфармацыю пра амэрыканскіх грамадзянаў. Аўдыторыя TikTok ў ЗША складае 80 мільёнаў чалавек штомесяц.

Беларусь

На пачатку 2023 году «Тыкток» стаў найбольш шырока карыстанай сацыяльнай сеткай у Беларусі з 4,27 млн наведнікаў, лік якіх за год вырас на 39 % (+1,2 млн)^[10].