Zeit (альбом Rammstein)

Zeit (зь ням. — «час») — восьмы студыйны альбом нямецкага NDH-гурта Rammstein, які выйшаў 29 красавіка 2022 году^[13][14][15]. Выдадзены ва ўсім сьвеце, акрамя Маскоўшчыны.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Zeit (неадназначнасьць).

Zeit
Альбом Rammstein
Выдадзены	29 красавіка 2022 (3 гады таму)
Запісаны	2020—2021
Месца запісу	Францыя, La Fabrique  Нямеччына  Беларусь
Жанр	Neue Deutsche Härte, індастрыял-мэтал
Працягласьць	44:03
Выдавец	Rammstein, Spinefarm Records, Virgin Records, Vertigo Records і Capitol Records
Прадусар	Ольсэн Інвальтыні, Rammstein
Храналёгія Rammstein
Безыменны (2019)	Zeit (2022)	...
Прафэсійны агляд
AllMusic [1] Blabbermouth [2] Consequence of Sound [3] The Guardian [4] Kerrang! [5] metal.de [6] Metal Hammer (Ger) [7] Metal Hammer (UK) [8] musicOMH [9] NME [10] Rock Hard [11] Sputnikmusic [12]
Сынглы да Zeit
«Zeit» Выдадзены: 10 сакавіка 2022 «Zick Zack» Выдадзены: 7 красавіка 2022 «Dicke Titten» Выдадзены: 25 траўня 2022 «Angst» Выдадзены: 26 жніўня 2022 «Adieu» Выдадзены: 24 лістапада 2022
Вокладка спэцыяльнага выданьня

Мова песьняў — нямецкая. Музыка й словы да песьняў — Тыль Ліндэман, Рыхард Круспэ, Паўль Ляндэрс, Олівэр Рыдэль, Крыстоф Шнайдэр, Крысьціян Лёрэнц.

Гісторыя

Пасьля выхаду папярэдняга альбома гурт адправіўся ў канцэртны тур у падтрымку пласьцінкі, аднак з-за распачатай пандэміі COVID-19 другая частка тура была перанесена спачатку на 2021, а затым і на 2022 год^[16][17]. У чэрвені 2020 году Шнайдэр у этэры праґрамы Rodeo Radio распавёў, што гурт у хуткім часе вернецца ў студыю для працы над астатнімі з запісу мінулага альбома песьнямі^[17][18]. Ужо ў верасьні гэтая інфармацыя пацьвердзілася афіцыйна. У сакавіку 2021 году клявішнік Крысьціян Лёрэнц паведаміў, што гурт не плянаваў запісваць новы альбом, але праз вымушанае прыпыненьне канцэртнай дзейнасьці гурт заняўся запісам новага матэрыялу. У лістападзе таго ж году гітарыст Рыхард Круспэ падзяліўся ў інтэрвію, што калектыў плянуе выпусьціць свой восьмы студыйны альбом перад іхным турнэ, якое стартуе ў траўні 2022 году.

Свэн Хэльбіг, які займаўся аранжыроўкай альбома, у лютым 2022 году распавёў у інтэрвію, што Rammstein прыйшлося адкласьці выпуск альбома з-за «недахопу паперы», неабходнай для друку буклетаў для кампакт-дыскаў і канвэртаў вінілавых пласьцінак^[19].

Прасоўваньне

9 сакавіка 2022 году ў сваіх сацыяльных сетках група выпусьціла 26-сэкундны тызер маючага адбыцца самотніка з альбома, заплянаванага да выхаду на наступны дзень. Прэмʼера адбылася на афіцыйным канале YouTube 10 сакавіка. 20 сакавіка стаў вядомы трэк-ліст альбома^[20].

Самотнікі

Самотнікі з альбома Zeit^[21]:

• «Zeit» (10 сакавіка 2022)
• «Zick Zack» (7 красавіка 2022)
• «Dicke Titten» (25 траўня 2022)
• «Angst» (26 жніўня 2022)
• «Adieu» (24 лістапада 2022)

Сьпіс кампазыцыяў

Кампазыцыі ў сьпісе ідуць па парадку, які быў прадстаўлены ў альбоме^[22]:

№	Назва
1.	«Armee Der Tristen» (Армія змрочных)	03:26
2.	«Zeit» (Час)	05:21
3.	«Schwarz» (Цемра)	04:18
4.	«Giftig» (Атрутны)	03:08
5.	«Zick Zack» (Чык-чык)	04:04
6.	«OK» (БК[a])	04:03
7.	«Meine Tränen» (Мае сьлёзы)	03:56
8.	«Angst» (Страх)	03:44
9.	«Dicke Titten» (Вялікія цыцкі)	03:38
10.	«Lügen» (Хлусьня)	03:48
11.	«Adieu» (Да пабачэньня)	04:36
44:03

Ушанаваньне

Публікацыя	Сьпіс	Ранг
Loudwire ( ЗША)	50 найлепшых рок + мэтал-альбомаў	—[23]
Metal Hammer ( Вялікабрытанія)	Найлепшыя рок-альбомы 2022	—[24]
Metal Hammer ( Вялікабрытанія)	Найлепшыя альбомы 2022	5[25]
Revolver	25 найлепшых альбомаў 2022	24[26]

Цікавыя факты

• Паводле буклета альбома, яго працягласьць — 44:05.
• На вокладцы альбома намаляваная вежа-таўстушка, разьмешчаная ў Бэрліне, у аэрадынамічным парку. Там жа прайшла фотасэсія гурта.
• Харавыя партыі для альбома запісваліся ў Лошніцкай царкве ў Дрэздэне, Саксонскай дзяржаўнай капэлы й акадэмічным хоры Белтэлерадыёкампаніі.

Заўвагі

1. «OK» — абрэвіятура ад Ohne Kondom — Без кандома.