Ігар Заяц

І́гар За́яц (нар. 8 студзеня 1999) — беларускі футбаліст, абаронца «Гомля».

Ігар Заяц
Пэрсанальная інфармацыя
Нарадзіўся	8 студзеня 1999(1999-01-08)[1] (26 гадоў) Менск, Беларусь[1]
Рост	182 см[2]
Вага	85 кг[1]
Пазыцыя	абаронца
Клюбная інфармацыя
Клюб	Гомель
Нумар	16
Клюбы
Гады	Клюб	Гульні (галы)¹
2019—2022	Дынама Менск	0 (0)
2019	→ Смалявічы	25 (0)
2020—2021	→ Гомель	42 (0)
2022	→ Слуцак	13 (0)
2023	Слуцак	20 (1)
2024—4	Гомель	40 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 28 чэрвеня 2025.

Кар’ера

Пачынаў займацца футболам у МТЗ-РІПА. Апасьля трапіў у структуру менскага «Дынама», дзе з 2017 году выступаў за клюбны дубль. У лютым 2019 году быў аддадзены ў арэнду клюбу «Смалявічы», дзе быў трывалым гульцом стартавага складу, дапамог камандзе выйсьці ў Найвышэйшую лігу.

У лютым 2020 году на правах арэнды далучыўся да «Гомля»^[3]. У гомельскім клюбе таксама замацаваўся ў аснове і дапамог яму вярнуцца ў элітны дывізіён. Па заканчэньні арэнды ў сьнежні 2020 году пакінуў «Гомель»^[4], у пачатку 2021 году трэнаваўся з дублем «Дынама». У лютым 2021 году зноў быў арандаваны гомельскім клюбам^[5]. 13 сакавіка 2021 году дэбютаваў у Найвышэйшай лізе ў матчы першага тура супраць берасьцейскага «Руху» (1:1), правёўшы на полі ўсе 90 хвілінаў. У далейшым працягваў выступаць у стартавым складзе, пазьней пачаў часам выходзіць на зьмену. У лістападзе 2021 году па заканчэньні арэнды вярнуўся ў «Дынама»^[6]. У першай палове 2022 году трэнаваўся з асноўнай камандай дынамаўцаў, але выходзіў на поле толькі ў дублюючым складзе.

У ліпені 2022 году быў аддадзены ў арэнду ў «Слуцак»^[7], дзе хутка замацаваўся ў першай адзінаццатцы. У сьнежні 2022 году па заканчэньні арэнды пакінуў слуцкі клюб^[8], аднак у студзені 2023 году, пакінуўшы «Дынама», падпісаў паўнавартаснае пагадненьне з «Слуцкам»^[9]. У студзені 2024 году па заканчэньні кантракта пакінуў «Слуцак»^[10] і неўзабаве вярнуўся ў «Гомель»^[11], але гэтым разам як паўнавартасны гулец каманды.