Ільля Дубінец

Ільля́ Дубіне́ц (нар. 22 чэрвеня 2004 году) — беларускі футбаліст, паўабаронца «Менску».

Ільля Дубінец
Пэрсанальная інфармацыя
Нарадзіўся	22 чэрвеня 2004(2004-06-22)[1] (21 год) Чашнікі, Віцебская вобласьць, Беларусь[2]
Рост	183 см[3]
Вага	73 кг[3]
Пазыцыя	нападнік
Клюбная інфармацыя
Клюб	Менск
Нумар	29
Клюбы
Гады	Клюб	Гульні (галы)¹
2023—2024	Дынама Менск	2 (0)
2023—2024	→ Слуцак	36 (5)
2025—4	Менск	9 (1)
2025—4	→ Менск-2	2 (2)
Зборныя
2025—4	Беларусь (да 21)	4 (1)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 28 чэрвеня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 7 чэрвеня 2025.

Кар’ера

Клюбная

Выхаванец футбольнай акадэміі менскага «Дынама». У сэзоне 2022 году футбаліст пачаў выступаць за клюбны дубль. У пачатку 2023 году гулец пачаў трэнавацца з асноўнай камандай^[4]. Дэбютаваў за клюб 18 сакавіка 2023 году ў матчы 1-га туру чэмпіянату Беларусі супраць «Іслачы», замяніўшы на 89-й хвіліне Андрэя Рылача^[5]. У ліпені 2023 году на правах арэнды далучыўся да «Слуцку»^[6], які пакінуў па заканчэньні тэрміну арэнды ў студзені 2024 году^[7]. У сакавіку 2024 году зноў быў арандаваны «Слуцкам»^[8], гэтым разам атрымаўшы больш гульнёвага часу. У лютым 2025 году прыяднаўся да «Менску»^[9][10].

Міжнародная

У траўні 2022 году атрымаў выклік у зборную Беларусі (да 19 гадоў). Дэбютаваў у складзе каманды 14 чэрвеня 2022 году ў таварыскім матчы супраць зборнай Узбэкістану, вызначыўшыся галявой перадачай. У сакавіку 2023 году атрымаў выклік у зборную Беларусі (да 20 гадоў).