Аднадольныя

Аднадольныя, адналісьценевыя, лілеяпсыды (Liliopsida) — кляса кветкавых расьлінаў, зародак якіх мае адну, у адрозьненьне ад двухдольных, семядолю.

Аднадольныя
Hemerocallis
Клясыфікацыя
Царства	Расьліны
Аддзел	Кветкавыя
Кляса	Аднадольныя
Парадкі
Acorales — аеракветныя Alismatales — шальнікакветныя Asparagales — спаржакветныя Dioscoreales Liliales — лілеякветныя Pandanales Petrosaviales Камэлініды Arecales Commelinales Poales — метлюжкакветныя Zingiberales
Бінамінальная намэнклятура
Liliopsida
Аднадольныя на Віківідах  Аднадольныя ў Вікісховішчы ITIS 38881 · NCBI 4447

Аднадольныя падзяляюцца на 11 парадкаў і больш за 60 тыс. відаў^[1]. Пашыраны ва ўмераным поясе, складаюць значную частку травастою лугоў, стэпаў, саваннаў. На Беларусі 5 парадкаў: аеракветныя, шальнікакветныя, спаржакветныя, лілеякветныя, метлюжкакветныя; больш за 350 відаў.^[2] Галоўны кампанэнт расьліннага покрыва балот, лугоў і лясоў. Сярод аднадольных: меч-трава звычайная, пуханос альпійскі, ладзьдзян трохнадрэзны, асака заліўная, ophrys insectifera, гайнік цёмна-чырвоны, асака Хоста і нш.

Пераважна травяністыя расьліны. Дравяністыя віды трапляюцца ў тропіках, радзей у субтропіках. У траў сьцябло ў таўшчыню не расьце. Лісьце з паралельным або дугавым жылкаваньнем, звычайна без чаранка і прылісткаў. Кветкі пераважна трохчленныя. Каранёвая сыстэма валасьніковістая, часта бывае зьмена падземных парасткаў (карэнішча, клубні, цыбуліны).

Харчовыя, кармавыя, тэхнічныя, дэкаратыўныя, лекавыя і прыпраўныя расліны.