Алег Вялічка

Але́г Іва́навіч Вялі́чка (нар. 6 сакавіка 1959, в. Масевічы Пружанскага раёну Берасьцейскай вобласьці, БССР) — беларускі хірург, дэпутат Палаты прадстаўнікоў Нацыянальнага сходу Рэспублікі Беларусь III i IV скліканьняў.

Алег Вялічка
Дэпутат НС РБ 4-га скліканьня
2008 — 2012
Дэпутат НС РБ 3-га скліканьня
2004 — 2008
Асабістыя зьвесткі
Нарадзіўся	6 сакавіка 1959 (66 гадоў) Масевічы, Пружанскі раён Берасьцейскай вобласьці
Адукацыя	Гарадзенскі дзяржаўны мэдычны інстытут Беларуская мэдыцынская акадэмія пасьлядыплёмнай адукацыі Акадэмія кіраваньня пры прэзыдэнце Рэспублікі Беларусь
Узнагароды	Мэдаль «За працоўныя заслугі»

Вікіпэдыя мае артыкулы пра іншых асобаў з прозьвішчам Вялічка.

Жыцьцяпіс

Нарадзіўся 6 сакавіка 1959 року ў вёсцы Масевічы (цяпер у Пружанскім раёне Берасьцейскай вобласьці Беларусі). Скончыў Гарадзенскі дзяржаўны мэдычны інстытут (1982), атрымаў спэцыяльнасьць лекара-хірурга, лекара-арганізатара аховы здароўя вышэйшай кваліфікацыйнай катэгорыі. Працаваў інтэрнам, траўматолягам, хірургам Берасьцейскага гарадзкога шпіталю хуткай дапамогі, галоўным урачом берасьцейскай паліклінікі №1, галоўным урачом шпіталю хуткай дапамогі^[1]. У 2004 скончыў Беларускую мэдыцынскую акадэмію пасьлядыплёмнай адукацыі.

17 кастрычніка 2004 року абраны дэпутатам Палаты прадстаўнікоў Нацыянальнага сходу Рэспублікі Беларусь 3-га скліканьня. З 16 лістапада 2004 выконваў функцыі старшыні Пастаяннай камісіі па ахове здароўя, фізычнай культуры, справах сям’і і моладзі.

28 верасьня 2008 року абраны дэпутатам ПП НС 4 скліканьня па Берасьцейскай Заходняй выбарчай акрузе №1^[2]. Займаў у ёй пасаду старшыні тае самае камісіі^[1].

Падчас дэпутацкага тэрміну таксама быў дэпутатам Парлямэнцкага сходу Саюзу Беларусі і Расеі, уваходзіў у склад камісіі па сацыяльнай палітыцы, навуцы, культуры і гуманітарных пытаньнях^[3].

У 2012 скончыў Акадэмію кіраваньня пры прэзыдэнце Рэспублікі Беларусь. 22 кастрычніка 2012 року прызначаны галоўным урачом Берасьцейскай цэнтральнай гарадзкой бальніцы^[4].

У 2016 року прызначаны намесьнікам старшыні Берасьцейскага аблвыканкаму^[5].

Узнагароды

• Мэдаль «За працоўныя заслугі» (6 сьнежня 2011)^[6];
• Мэдаль «90 гадоў Узброеных сілаў Рэспублікі Беларусь»;
• Мэдаль «90 гадоў на варце граніц»;
• Мэдаль «Дрэва жыцьця» Міжпарлямэнцкай Асамблеі дзяржаваў — удзельніц Садружнасьці Незалежных Дзяржаваў;
• Ганаровая грамата Нацыянальнага сходу Рэспублікі Беларусь;
• Ганаровая грамата Савету міністраў Рэспублікі Беларусь;
• Ганаровая грамата Міністэрства спорту і турызму Рэспублікі Беларусь;
• Ганаровая грамата Міністэрства аховы здароўя Рэспублікі Беларусь;
• Знак «Выдатнік аховы здароўя Рэспублікі Беларусь»^[1].

Сям’я

Жанаты, мае дачку^[1].