Буцькоўскі ідал

Буцько́ўскі і́дал — археалягічны помнік дахрысьціянскага часу. Знойдзены ў 1986 падчас раскопак на курганным могільніку ля вёскі Буцькі Пружанскага раёну. У 1999 року^[1] перавезены ў Пружаны, усталяваны з усходняга боку музэю «Пружанскі палацык». Ахоўваецца дзяржавай.

Буцькоўскі ідал ля Пружанскага палацыку

Ідал высечаны са сьветла-шэрага валуну. Вышыня 1,04 м, шырыня 40—50 см, таўшчыня 30 см. Галава на 1/4 частку ўсяе фігуры, рукі абазначаныя невялікімі бакавымі выступамі, плечы асымэтрычныя. На твары прасочваюцца вочы, нос, рот. На грудзях выбіты крыж у коле. Унізе фігура крыху пашыраецца.