Буцькі

Буцькі́^[2] — вёска ў Пружанскім раёне Берасьцейскай вобласьці. Уваходзіць у склад Ружанскага сельсавету.

Буцькі
трансьліт. Bućki
Буцькоўскі ідал
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Ружанскі
Насельніцтва:	15 чал. (2010)
Часавы пас:	UTC+3
Тэлефонны код:	+375 1632
Паштовы індэкс:	225152[1]
СААТА:	1256813006
Нумарны знак:	1
Геаграфічныя каардынаты:	52°48′38.99″ пн. ш. 24°59′47.00″ у. д.
Буцькі на мапе Беларусі ± Буцькі Буцькі

Мінуўшчына

1 сьнежня 2009 году перададзеная зь ліквідаванага Варанілавіцкага сельсавету ў склад Ружанскага пасялковага савету^[3], які 29 траўня 2015 году быў ператвораны ў сельсавет^[4].

Назва

Дасьледніца культуры і гісторыі Беларусі Галіна Арцёменка^[5] лічыць, што назва вёскі зьвязаная з плямёнамі бутаўскае культуры(ru), як і шэраг іншых населеных пунктаў на тэрыторыі Беларусі^[6].

Насельніцтва

• 2010 год — 15 чалавек
• 1999 год — 31 чалавек

Турыстычная інфармацыя

За 600 мэтраў на паўднёвы захад ад вёскі знаходзіцца пахавальны помнік дрыгавічоў — курганны могільнік, датаваны XI стагодзьдзем. Гэта 4 насыпы паўсфэрычнай формы дыямэтрам 5,6—8,5 м і вышынёй 0,5—0,8 м, вядомыя пад назвай «Францускія магілы». Выяўленыя таксама 4 больш раньнія пахаваньні ў ямах (адносяцца да грунтавога могільніку).

Падчас раскопак аднаго з курганоў у 1986 годзе быў знойдзены дахрысьціянскі ідал — каменная баба. У 2000 року ідал перавезены ў Пружаны і ўсталяваны ля музэю «Пружанскі палацык».