Канапа

Кана́па — від мяккай мэблі, прызначаны для сядзеньня, ляжаньня. Ад фатэля адрозьніваецца тым, што на ім могуць сядзець некалькі чалавек. Разнавіднасьць канапы — канапа-ложак, канапа, якая трансфармуецца ў спальнае месца. Звычайна яна мае выгляд лавы зь мяккімі падлакотнікамі і часта абсталяваная спружынамі і падушкамі, зробленымі на замову. У дамах канапы звычайна ставяць у гасьцёўне, кабінэце або пакоі адпачынку. Часам іх можна знайсьці і ў нежылых памяшканьнях, як то гатэлі, вэстыбюлі камэрцыйных офісаў, залы чаканьня і бары.

Канапа.

Можа ўваходзіць у набор мэблі для адпачынку, у камплекце зь іншымі прадметамі, як то фатэлямі^[1], пуфамі, атаманкамі і часопіснымі столікамі. Канапы таксама могуць адрозьнівацца паводле памераў, колераў і дызайну.