Лоеўскі замак

Лоеўскі замак — помнік гісторыі і абарончай архітэктуры ў Лоеве. Знаходзіўся на правым беразе ракі Дняпра, на месцы старажытнага паселішча Лоева Гара мілаградзкай культуры і гарадзішча XI—XIII стагодзьдзяў. Існаваў у XIV—XVII стагодзьдзях.

Помнік абарончай архітэктуры
Лоеўскі замак
Краіна	Беларусь
Мястэчка	Лоеў
Дата заснаваньня	XIV ст.
Лоеўскі замак на Вікісховішчы

Гісторыя

Вялікае Княства Літоўскае

Драўляны замак у Лоеве збудавалі ў XIV ст. Яго неаднаразова разбуралі крымскія татары. На мапе М. Струбіча за 1578 год значыцца высокая абарончая вежа.

Пад уладай Расейскай імпэрыі

Па другім падзеле Рэчы Паспалітай (1793 год), калі Лоеў апынуўся ў складзе Расейскай імпэрыі, замак канчаткова зруйнавалі.

Найноўшы час

У 2001 годзе афіцыйна зацьвердзілі герб і сьцяг Лоева з гіпатэтычнай выявай замка.

Архітэктура

Меў форму паўкруга дыямэтрам каля 125 м, абведзенага земляным валам і ровам. Апісаньне фартыфікацыяў не захавалася. Відаць, тут былі традыцыйныя драўляныя вежы і сьцены-гародні^[1].

Галерэя

• Гістарычная графіка замка
• 
  З мапы 1613 г.
• 
  Плян, 1651 г.
• 
  Плян, К. Эйгірд, 1663 г.
• 
  Плян, К. Эйгірд, 1663 г.