Люк Шоў

Люк Пол Го́ар Шоў (па-ангельску: Luke Paul Hoare Shaw; нар. 12 ліпеня 1995 году^[4], Кінгстан-на-Тэмзе, Вялікабрытанія) — ангельскі футбольны левы абаронца, гулец клюбу «Манчэстэр Юнайтэд» і зборнай Ангельшчыны.

Люк Шоў
Пэрсанальная інфармацыя
Нарадзіўся	12 ліпеня 1995(1995-07-12)[1][2] (30 гадоў) Кінгстан-на-Тэмзе[d], бора Кінгстан-на-Тэмзе[d], Вялікі Лёндан, Ангельшчына, Вялікабрытанія
Рост	178 см[3]
Вага	75 кг
Пазыцыя	задні абаронца
Клюбная інфармацыя
Клюб	Манчэстэр Юнайтэд
Нумар	23
Клюбы
Гады	Клюб	Гульні (галы)¹
2011—2014	Саўтгэмптан	60 (0)
2014—	Манчэстэр Юнайтэд	198 (3)
Зборныя
2011	Ангельшчына (да 16)[d]	6 (1)
2011—2012	Ангельшчына (да 17)[d]	8 (1)
2013—2014	Ангельшчына (да 21)[d]	5 (0)
2014—	Ангельшчына	34 (3)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 16 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 15 ліпеня 2024.

Кар’ера

Клюбная

У васьмігадовым узросьце Люк Шоў пачаў гуляць за акадэмію «Саўтгэмптану», у веку 15-ці гадоў стаўшы гульцом моладзевага складу клюбу^[4]. Дэбют за дарослы клюб адбыўся 28 студзеня 2012, калі Люку было 16 гадоў. Пасьля выхаду «Саўтгэмптану» ў найвышэйшы дывізіён Шоў зь яшчэ трыма маладымі гульцамі падпісаў свой першы прафэсійны кантракт^[5]. У першым сэзоне Прэм’ер-лігі Шоў згуляў за «Саўтгэмптан» 28 матчаў, зь іх 25 у чэмпіянаце^[4].

27 чэрвеня 2014 Шоў падпісаў чатырохгадовы кантракт з «Манчэстэр Юнайтэд». Перад пачаткам сэзону ён атрымаў траўму, якая вывела яго са строю на месяц^[6][7]. Дэбют гульца ў афіцыйным матчы за «Манчэстэр» адбыўся 27 верасьня 2014 ў затнім матчы з «Ўэст Гэм Юнайтэд»^[8].

Міжнародная

Упершыню Люк Шоў згуляў на міжнародным узроўні у 2011 року ў складзе зборнай да 16 гадоў^[9]. У тым самым годзе згуляў за зборную да 17 гадоў^[9].

У студзені 2013 Шоў быў выкліканы ў моладзевую зборную (да 21), аднак з-за траўмы, атрыманай на трэніроўцы, ня здолеў выступіць^[10]. Аправіўшыся ад пашкоджаньня, ён урэшце здолеў выступіць у складзе гэтай зборнай у адборачным матчы да моладзевага чэмпіянату Эўропы 2015 году са зборнай Малдовы 5 верасьня^[11] і зь Фінляндыяй 9 верасьня^[12].

27 лютага 2014 Шоў быў выкліканы ў склад дарослай зборнай на таварыскі матч са зборнай Даніі^[13][14][15]. Ён выйшаў замест Эшлі Коўла пасьля перапынку.

Люк Шоў выцясьніў Эшлі Коўла са складу на чэмпіянаце сьвету 2014 року^[16], пасьля чаго апошні скончыў міжнародную кар’еру^[17]. Шоў стаў наймаладзейшым удзельнікам чэмпіянату^[18], паўдзельнічаўшы ў апошнім матчы ў групе са зборнай Коста-Рыкі^[19].

Дасягненьні

«Манчэстэр Юнайтэд»:

• Уладальнік Кубка футбольнай лігі: 2023
• Уладальнік Супэркубка Ангельшчыны: 2016
• Пераможца Лігі Эўропы: 2017