Маляхіт

Маляхі́т (медная зелень) — мінэрал, асноўны карбанат сьпіжу (гідраксакарбанат медзі (II)), склад якога амаль дакладна адлюстраваны хімічнай формулай CuCO₃·Cu(ОН)₂.

Маляхіт
Маляхіт у прыродзе
Агульныя
Катэгорыя	Мінэрал
Формула (структурнай адзінкі)	CuCO3·Cu(ОН)2
Клясыфікацыя Штрунца	5.BA.10[1]
Сынгонія	Манаклінная
Выгляд
Колер	Зялёны
Злом	Шкарлупісты, задзірысты
Луплівасьць	Дасканалая
Шкала Моаса (цьвёрдасьць)	3,5—4
Бляск	Матавы, у вялікіх колькасьцях — шкляны, у крышталічнай форме — шаўкавісты
Колер рысы	зялёная розных адценьняў, ад бірузовага да вельмі цёмнага, у залежнасьці ад шчыльнасьці
Празрыстасьць	Непразрысты
Шчыльнасьць	3,75—3,95
Аптычныя ўласьцівасьці
Паказчык пераламленьня	1,656—1,909
Маляхіт у Вікісховішчы

Колер ад яскрава- да цёмна-зялёнага. Цьвёрдасьць 3,5—4. Лёгка раскладваецца пры награваньні (ужо пры тэмпэратуры 200 °С чарнее й пераўтвараецца ў парашок аксіду медзі з вылучэньнем вады і вуглякіслага газу^[2])

Выкарыстаньне

Маляхіт выкарыстоўваецца ў вытворчасьці ювэлірных вырабаў і дэкаратыўна-мастацкіх твораў. Зямлісты маляхіт выкарыстоўваецца ў якасьці сыравіны мінэральнай фарбы («маляхітавая зелень»).