Моладзь

Моладзь — пакаленьне людзей ва ўзросьце ад 14 гадоў (падлетак) да 35 гадоў, і нават крыху пазьней.

Беларусь

На пачатак 2012 году ў Беларусі налічвалася 2,291 млн маладых людзей, якія склалі 1/4 насельніцтва Беларусі. 82% моладзі пражывала ў гарадах, што перавышала сярэдні паказьнік па краіне. За 2000—2011 гады колькасьць моладзі ў сельскай мясцовасьці зьменшылася на 174,6 тыс. чалавек (на 30%). За гэты час звыш паўмільёна маладых людзей пераехала зь вёскі ў горад, а звыш 300 000 маладых людзей наадварот перасяліліся з гарадоў у сельскую мясцовасьць^[1].

На 1 студзеня 2013 году ў Беларусі дзейнічала 248 моладзевых грамадзкіх аб’яднаньняў. На жнівень 2013 году 24,5% маладых людзей мелі сярэднюю спэцыяльную адукацыю, яшчэ 16,9% мелі вышэйшую адукацыю^[2].