Мэмарыяльная капліца (Цімкавічы)

Мэмарыяльная капліца — помнік гісторыі і архітэктуры XIX стагодзьдзя ў Цімкавічах. Знаходзіцца ў цэнтры колішняга мястэчка, пры Мікольскай царкве (не захавалася). Твор архітэктуры нэаклясыцызму.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Мэмарыяльная капліца (неадназначнасьць).

Помнік сакральнай архітэктуры
Мэмарыяльная капліца
Мэмарыяльная капліца
Краіна	Беларусь
Вёска	Цімкавічы

Гісторыя

Капліца і Мікольская царква з брамай, 1917 г.

Мэмарыяльная дошка на капліцы

Мураваную капліцу ў Цімкавічах збудавалі ў другой палове XIX ст. у памяць пра скасаваньне прыгоннага права (над галоўным уваходам адпаведная мэмарыяльная дошка).

Архітэктура

Помнік архітэктуры нэаклясыцызму. Гэта цэнтрычны кубападобны аб’ём пад шатровым гонтавым дахам. Галоўны фасад вылучаецца ў цэнтры прастакутным уваходным праёмам, аздобленым з бакоў пілястрамі. Атынкаваныя сьцены праразаююца аркавымі аконнымі праёмамі ў шырокіх ліштвах у выглядзе перакінутай паміж 2 пілястрамі архівольты, падзяляюцца лапаткамі і апярэзваюцца прафіляваным карнізам.

Унутраная прастора перакрываецца цыліндрычным скляпеньнем, у алтарнай сьцяне ніша^[1].