Нацыянальная акадэмія навук Украіны

Нацыянальная акадэмія навук Украіны (НАН Украіны, НАНУ, укр. Національна академія наук України) — вышэйшая навуковая ўстанова Ўкраіны з самакіраванай арганізацыяй. НАНУ аб’ядноўвае дзейных сябраў, сябраў-карэспандэнтаў і замежных сябраў, а таксама ўсіх навуковых работнікаў, якія працуюць у яе навуковых установах, ажыцьцяўляючы дасьледаваньні ў галіне прыродазнаўчых, гуманітарных, грамадзкіх і тэхнічных навук.

Нацыянальная акадэмія навук Украіны
Памяшканьне Прэзыдыюму НАН Украіны
Абрэвіятура	НАНУ
Дата ўтварэньня	14 лістапада 1918 (106 гадоў таму)
Тып	навуковая
Штаб-кватэра	Кіеў, вул. Уладзімерская, д. 54
Старшыня	Анатоль Загародны[1]
Сайт	nas.gov.ua

НАН Украіны была створаная 14 лістапада 1918 году як Украінская акадэмія навук^[2]. Паводле стану на пачатак 2024 году ў Акадэміі навук Украіны працавала 24 980 супрацоўнікаў, сярод іх 13 444 — навукоўцы^[3]. Кіроўныя органы НАН Украіны знаходзяцца ў Кіеве.

Ад 1962 да 2020 году прэзыдэнтам НАНУ быў Барыс Патон.