Неміровічы

Неміровічы, Няміравічы — літоўскі шляхецкі род гербу Ястрабец.

Неміровічы лац. Niemirovičy
Герб Ястрабец
Краіна паходжаньня	Вялікае Княства Літоўскае

Прозьвішча

Асноўны артыкул: Імёны ліцьвінаў

У 1406 годзе, паводле Хронікі літоўскай і жамойцкай, адзін з баяраў вялікага князя літоўскага Вітаўта — «Андрэй ліцьвін» — на перамовах, калі Вітаўт важыўся ўкласьці мір зь непрыяцелем, крыкнуў вялікаму князю: «Не міры, Вітаўце, не міры»^[a], адмаўляючы вялікага князя ад некарыснага міру. Дзеля гэтага Вітаўт даў Андрэю прозьвішча «Няміра», ад якога ўтварылася прозьвішча Неміровічаў^[1].

Гісторыя

Пачынальнік роду — Ян Няміра (? — па 1420), які ўпамінаецца ў 1398 годзе як канюшы вялікага князя Вітаўта, у 1412 годзе намесьнік полацкі. У час складаньня Гарадзельскай уніі 1413 году разам з братамі атрымаў герб Ястрабец ад кракаўскага біскупа Войцеха Ястрабца. Яго сыны Андрэй і Іван неаднаразова ўпамінаюцца ў складзе Рады Вялікага Княства Літоўскага ў 1431—1452 гадох^[2].

Найбольш вядомыя з роду

• Мікалай (? — 1471), малодшы сын Няміры; маршалак гаспадарскі, намесьнік віцебскі з 1466 году, смаленскі з 1469 году
• Якуб (? — па 1489), унук Няміры; маршалак гаспадарскі ў 1483 годзе, намесьнік берасьцейскі з 1483 году
• Андрэй (? — 1541), сын Якуба, унук Андрэя; намесьнік мазырскі з 1509 году, чаркаскі з 1511 году, ваявода кіеўскі з 1514 году

Заўвагі

1. ПСРЛ. Т. 32. — М.: Наука, 1975. С. 78.