Помнік байцам антытэрарыстычнай апэрацыі (Кіеў)

Помнік байцам антытэрарыстычнай апэрацыі ў Кіеве — помнік, выкананы ў выглядзе мяча, які пранізвае мапу Расеі. Адкрыты 1 жніўня 2017 году ў Кіеве.

Прысьвечаны байцам, якія ўдзельнічалі ў Антытэрарыстычнай апэрацыі (АТА). Помнік разьмешчаны на скрыжаваньні праспэкта Леся Курбаса і вуліцы акадэміка Каралёва ў Кіеве, яго вышыня складае 2,5 мэтру.

Па словах арганізатараў, помнік усталявалі, каб ушанаваць памяць загінулых падчас канфлікту на Данбасе байцоў і каб пастаянна нагадваць жыхарам украінскай сталіцы аб цане міру.

Прадстаўнік грамадзкай арганізацыі «Вэтэраны АТА» Яўген Яранцаў распавёў парталу АСН, што памятны знак сымбалізуе будучую перамогу Ўкраіны над агрэсарам^[1].

Глядзіце таксама

• Помнік беларусам, якія загінулі за Ўкраіну